Shraddha Kapoor : श्रद्धा कपूरनं बॉयफ्रेंड राहुल मोदीसोबत 'सैयारा' पाहिला, थिएटरमधला 'तो' VIDEO व्हायरल

सध्या सर्वत्र 'सैयारा'ची क्रेझ पाहायला मिळत आहे. चित्रपटातील अनीत पड्डा (Aneet Padda) आणि अहान पांडे (Ahaan Panday) च्या अभिनयाचे प्रेक्षक कौतुक करताना दिसत आहे. 'सैयारा'साठी थिएटर हाऊसफुल आहेत. बॉलिवूडचे कलाकार देखील 'सैयारा' पाहण्यासाठी थिएटर दिसत आहे. प्रेक्षक भावुक होऊन ढसाढसा रडतानाचे व्हिडीओ सोशल मीडियावर व्हायरल होत आहेत. अशात आता अजून एक व्हिडीओ सोशल मीडियावर तुफान व्हायरल होत आहे. 'सैयारा' च्या क्रेझ बॉलिवूडमध्ये देखील पाहायला मिळत आहे.

'सैयारा' चित्रपट पाहण्यासाठी बॉलिवूड अभिनेत्री श्रद्धा कपूरने (Shraddha Kapoor) थिएटरमध्ये हजेरी लावली आहे. मात्र ती एकटी आली नसून श्रद्धा कपूर बॉयफ्रेंड राहुल मोदीसोबत चित्रपट पाहण्यासाठी आली होती. श्रद्धा कपूर आणि राहुल मोदी यांच्या मूव्ही डेटचे व्हिडीओ सोशल मीडियावर खूप व्हायरल होत आहेत. व्हायरल व्हिडीओमध्ये श्रद्धा कपूर आणि राहुल मोदी एकत्र बसलेले पाहायला मिळत आहेत. तसेच चित्रपट पाहताना श्रद्धा कपूर भावुक झाली आहे. तिच्या डोळ्यात पाणी पाहायला मिळत आहे.

'सैयारा' चित्रपट पाहिल्यानंतर जेव्हा दोघे निघायला लागतात तेव्हा श्रद्धा कपूरच्या मागे राहुल मोदीची झलक पाहायला मिळते. या व्हायरल व्हिडीओवर नेटकऱ्यांकडून कमेंट्स आणि लाइक्सचा वर्षाव होत आहे. नेटकऱ्यांना 'सैयारा' चित्रपट पाहून 'आशिकी 2'ची आठवण येत आहे. श्रद्धा कपूर आणि राहुल मोदी अनेक काळापासून एकमेकांना डेट करत आहेत. त्याच्या भेटीचे अनेक व्हिडीओ कायम व्हायरल होत असतात.

'सैयारा' बॉक्स ऑफिस कलेक्शन

मोहित सूरी दिग्दर्शित 'सैयारा' चित्रपट 18 जुलैला प्रेक्षकांच्या भेटीला आला. 'सैयारा' ही एक प्रेमकथा आहे. 'सैयारा' चित्रपटाचे बजेट 40 ते 60 कोटींच्या दरम्यान आहे. चित्रपटाच्या गाण्यांनी सोशल मीडियावर धुमाकूळ घातला आहे. मीडिया रिपोर्टनुसार, 'सैयारा' (Saiyaara) चित्रपटाने आतापर्यंत 150 कोटींचा टप्पा पार केला आहे.