Shraddha Kapoor Video: श्रद्धा कपूर झाली गोरीमोरी; एवढं लाजायला विमानतळावर नेमकं काय घडलं? VIDEO

Shraddha Kapoor Fan Proposed Her : बॉलिवूड अभिनेत्री श्रद्धा कपूर रणबीर कपूरसोबत 'तू झुठी मैं मक्कर' या चित्रपटात दिसली होती. या चित्रपटाला प्रेक्षकांचा चांगला प्रतिसाद मिळाला. बुधवारी अभिनेत्री मुंबई एअरपोर्टवर स्पॉट झाली. यादरम्यान अभिनेत्रीसोबत एक विचित्र घटना घडली.

श्रद्धा कपूरचे लाखो चाहते आहेत. तिची एक झलक पाहण्यासाठी चाहते एक झलक पाहण्यासाठी काहीही करू शकतात. तिला पाहण्यासाठी कधी तिच्या घराबाहेर तर कधी एअरपोर्ट तासंतास वाट बघतात. अभिनेत्रीला भेटण्यासाठी तिचा एक चाहता मुंबई एअरपोर्टवर तिची वाट पाहत होता.

अभिनेत्रीच्या या चाहत्याने तिच्यासाठी लाल गुलाबांचा गुच्छ घेऊन आला होता. अभिनेत्रीला पाहताच तिच्या चाहत्याने गुडघ्यावर बसून गुलाबाचा पुष्पगुच्छ देऊन तिला प्रपोज केलं. श्रद्धा देखील तिच्या चाहत्याचे मन राखले. तिने त्याने दिलेले पुष्पगुच्छ स्वीकारले आणि पापाराझींसमोर चाहत्यासोबत फोटो देखील क्लिक केला.

हा व्हिडीओ सोशल मीडियावर खूप व्हायरल होत आहे, नेटकरी त्यावर भरपूर कमेंट करत आहेत. श्रद्धा कपूर एरपोर्ट लूकविषयी बोलायचे झाले तर तिने पांढऱ्या रंगाची शॉर्ट आणि फुल स्लीव्हज असलेला टॉप घातला होता. पायात स्नीकर्स घालून लूक पूर्ण केला होता.

श्रद्धाच्या या व्हिडीओवर एका यूजरने लिहिले की, श्रद्धा खूप नम्र आणि फिट आहे. दुसऱ्याने लिहिले, भाव शाळेत जा, अभ्यास करा, एवढ्या लहान वयात सेलिब्रिटींना इम्प्रेस करत आहे. तिसऱ्या यूजरने लिहिले, तू तिच्या वडिलांना ओळखता नाही... जुने चित्रपट बघ जरा. (Latest Entertainment News)

श्रद्धा कपूर 'तू झुटीं मैं मक्कर'मध्ये दिसली होती. सध्या ती त्याच्या आगामी 'स्त्री 2' चित्रपटामुळे चर्चेत आहे. नुकतेच या चित्रपटाच्या पहिल्या शेड्यूलचे शूटिंग पूर्ण झाले आहे. या चित्रपटात राजकुमार राव दिसणार आहे. हा चित्रपट पुढील वर्षी म्हणजेच ऑगस्ट २०२४ मध्ये प्रदर्शित होईल.