Suhana Khan: शाहरुख खानची लेक सुहाना अडचणीत; कोट्यवधींच्या 'या' डीलची चौकशी सुरू

Shah Rukh Khan Daughter Suhana Khan: शाहरुख खान सध्या त्याच्या चित्रपटात व्यग्र आहे. तर त्याचा मुलगा आर्यन लवकरच दिग्दर्शनात पदार्पण करणार आहे. त्याच वेळी, त्याची मुलगी सुहाना खान देखील आगामी 'किंग' चित्रपटात झळकणार आहे. दरम्यान, सध्या सुहाना एका वेगळ्याच अडचणीत आहे. कोट्यवधी रुपयांच्या या करारामुळे सुहाना खानच्या अडचणी वाढत असल्याचे दिसून येत आहे. काही काळापूर्वी सुहानाने अलिबागमध्ये जमीन खरेदी केली होती. आता बातमी येत आहे की सुहाना खानने कोट्यवधी रुपयांच्या या करारासाठी परवानगी घेतली नव्हती.

खरं तर सुहानाने अलिबागच्या थल गावात जमीन खरेदी केली होती. ही जमीन सुमारे १२.९१ कोटी रुपयांना खरेदी केल्याची चर्चा होती. आता त्याच गावातून माहिती समोर आली आहे की सरकारने शेतकऱ्यांना शेतीसाठी जी जमीन दिली होती. सुहाना खानने ती परवानगीशिवाय खरेदी केली आहे. म्हणजेच तिने अलिबागमध्ये परवानगीशिवाय जमीन खरेदी केली आहे.

सुहानाच्या अडचणी का वाढत आहेत?

सुहाना खानचा हा व्यवहार बराच चर्चेत होता. मीडिया रिपोर्ट्सनुसार, सुहाना खानने तीन बहिणींकडून जमीन खरेदी केली होती. ज्यांची नावे आहेत- अंजली, रेखा आणि प्रिया. असे म्हटले जात होते की तिला तिच्या पालकांकडून जमीन वारसाहक्काने मिळाली होती. सुहानाने जमीन खरेदी करताना ७७.४६ लाखांची स्टॅम्प ड्युटी देखील भरली होती. परंतु नवीन माहिती समोर आली आहे की सरकारने ती जमीन शेतकऱ्यांना शेतीसाठी दिली होती. आणि सुहानाने परवानगीशिवाय तो व्यवहार केला आहे. इतकेच नाही तर आता या प्रकरणाची चौकशी सुरू आहे. अलिबाग तहसीलदारांकडून निष्पक्ष अहवाल मागवण्यात आला आहे.

निवासी उपजिल्हाधिकारी संदेश यांनी या प्रकरणात आदेश दिले आहेत. तसेच, सुहाना खानने केलेल्या कोट्यवधींच्या व्यवहाराचा अहवाल लवकरच समोर येईल. प्रत्यक्षात, जमीन खरेदी करताना केलेल्या नोंदणीकृत कागदपत्रांमध्ये सुहाना खानला शेतकरी म्हणून दाखवण्यात आले होते. त्याच वेळी, ज्या नावावर ही मालमत्ता नोंदणीकृत आहे ते देजा वू फार्म प्रायव्हेट लिमिटेड. या कंपनीचे संचालक दुसरे तिसरे कोणी नसून गौरी खानची आई आणि वहिनी आहेत.