Sameer Wankhede On SRK: मी सामान्य माणूस! SRK सोबतच्या वादावर समीर वानखडेंची प्रतिक्रिया, वाचा काय म्हणाले?

Sameer Wankhede VS SRK: माजी एनसीबी अधिकारी समीर वानखेडे सध्या शाहरुख खानच्या रेड चिलीज एंटरटेनमेंट आणि नेटफ्लिक्सविरुद्ध सुरू असलेल्या मानहानीच्या खटल्यामुळे चर्चेत आहेत. हा खटला आर्यन खानच्या नेटफ्लिक्स वेब सिरीज "द बॅडीज ऑफ बॉलीवूड" मधील एका पात्राशी संबंधित आहे. वानखेडेंचा दावा आहे की या पात्राच्या रुपात अपमान करण्यात आला आहे. आता, अलिकडच दिलेल्या एका मुलाखतीत वानखेडेंनी शाहरुखविरुद्धचा त्याचा वैयक्तिक रागाबद्दल भाष्य केलं आहे.

एचटी सिटीशी बोलताना तो म्हणाला, "असे काहीही नाही... मी कायद्याचा अधिकारी आहे, मी कायदानुसार काम करतो. आपल्याकडे एक संविधान आहे, आपल्याकडे एक व्यवस्था आहे, आपल्याकडे एक रचना आहे. आदेशांची एक साखळी आहे. मी खूप सामान्य माणूस आहे, फक्त एक सरकारी कर्मचारी आहे. कोणी इतका रागावू कसा शकतो, हे तुम्हाला तरी माहिती आहे का?"

समीर वानखेडे यांनी आर्यन खान प्रकरणाच्या चौकशीदरम्यान २०२१ मध्ये शाहरुख खानसोबतचे त्यांचे खाजगी संभाषण लीक झाल्याच्या आरोपांबद्दलही उघडपणे भाष्य केले. ते म्हणाले, “मी तुम्हाला सत्य सांगतो. मी माननीय मुंबई उच्च न्यायालयात रिट याचिका दाखल केली. त्या रिटमध्ये मला न्यायालयासमोर काही पुरावे सादर करायचे होते. मग मी ते का 'लीक' करू? मी ते माननीय न्यायालयासमोर सादर करेन. त्या गोष्टी 'लीक' करण्यामागे माझा हेतू काय आहे?”

वानखेडे यांनी कायदेशीर कार्यवाहीचे स्पष्टीकरण दिले आणि स्पष्ट केले की त्यांनी डिजिटल रेकॉर्डची पडताळणी करण्यासाठी आणि सर्व पुरावे कायदेशीर आणि योग्यरित्या सादर केले जातील याची खात्री करण्यासाठी भारतीय पुरावा कायद्याअंतर्गत ६५ बी प्रमाणपत्र प्रदान केले होते.

ऑक्टोबर २०२१ मध्ये वानखेडे यांनी मुंबईत एका क्रूझ जहाजावर छापा टाकला आणि आर्यन खान आणि इतर अनेकांना अटक केली तेव्हा वाद सुरू झाला. आर्यन खानला जामीन मिळण्यापूर्वी तीन आठवडे तुरुंगात घालवावे लागले. मे २०२२ मध्ये पुराव्याअभावी त्याला क्लीन चिट देण्यात आली. तथापि, आर्यन तुरुंगातून सुटल्यानंतर, खान कुटुंबाकडून जामीन देण्यासाठी लाच मागितल्याचे आरोप समोर आले, परिणामी सीबीआयने वानखेडेविरुद्ध भ्रष्टाचाराचा खटला दाखल केला.