Samantha Ruth Prabhu News: समंथाचा सिनेसृष्टीतून ब्रेक; निर्मात्यांचे पैसेही केले परत, काय आहे कारण?

Samantha Ruth Prabhu News: दाक्षिणात्य सुपरस्टार समंथा प्रभू नेहमीच चर्चेत असते. समंथा अभिनयाबरोबर उत्तम न्यृत्यांगणा आहे. याच समंथाने सिनेसृष्टीतून ब्रेक घेण्याची घोषणा केली आहे. तिच्या या घोषणेने चाहत्यांना मोठा धक्का बसला आहे. (Latest Marathi News)

समंथा सध्या तिच्या 'सिटाडेल' चित्रपटामुळे चर्चेत आहे. समंथा तिच्या वैयक्तिक कारणांमुळेही चर्चेत असते. समंथाने चित्रपटसृष्टीतून ब्रेक घेत निर्मात्यांकडून घेतलेले अॅडव्हान्स पैसे परत केले आहे. समंथाने तब्येतीकडे लक्ष देण्यासाठी चित्रपटसृष्टीतून ब्रेक घेतला आहे.

समंथा सध्या विजय देवरकोंडासोबत तेलुगु चित्रपट 'कुशी' चित्रपटाचे शुटिंग करत आहे. चित्रपटाचे शुटिंग अंतिम टप्प्यात आहे.यानंतर समंथा तिच्या 'सिटाडेल' चित्रपटाचं शुटिंग संपवणार आहे. या चित्रपटानंतर मात्र समंथा एका वर्षाचा ब्रेक घेणार आहे. या काळात समंथा तिच्या आरोग्याकडे लक्ष देणार आहे. तसेच ती मायटोसिस या आजारावर उपचार घेणार आहे.

गेल्या वर्षी संमथाने मायटोसिस या आजारचे निदान झाल्यावर काही काळ चित्रपटसृष्टीतून ब्रेक घेतला होता. मायटोसिस हा दुर्मिळ स्वयंप्रतिकार रोग आहे. त्यामुळे समंथा स्वतः च्या आरोग्याकडे विशेष लक्ष देते.

गेल्या महिन्यात समंथाने सेरबिया चर्चला भेट दिली. त्यानंतर तिने सोशल मीडियावर तिने मागील एक वर्षापासून 'मायटोसिस' कशी झूंज देत आहे, याची माहिती दिली होती. 'मायटोसिस' या आजाराचे निदान होऊन एक वर्ष झाले आहे. माझ्या शरीराशी अनेक लढाया कराव्या लागणार आहेत, अशी माहिती तिने दिली.

दरम्यान, समंथाच्या वर्कफ्रंटबद्दल बोलायचे तर, समंथा 'सिटाडेल'या चित्रपटात संमथा आणि वरुण धवन एकत्र झळकणार आहे. तर संमथाचा विजय देवरकोंडासोबतचा 'कुशी' हा चित्रपट देखील लवकरच प्रेक्षकांच्या भेटीला येणार आहे.