Sikandar Teaser : सलमान खानच्या 'सिकंदर'चा धमाकेदार टीझर रिलीज, दबंगच्या swagने जिंकली प्रेक्षकांचे मन

Sikandar Teaser : बॉलीवूडचा दबंग सलमान खानचा मोस्ट अवेटेड चित्रपट 'सिकंदर'चा टीझर आज म्हणजेच 28 डिसेंबर रोजी रिलीज झाला आहे. सलमान खानच्या या चित्रपटाची चाहते आतुरतेने वाट पाहत आहेत. 'सिकंदर'चा टिझर संध्याकाळी 4.05 वाजता रिलीज झाला असून या टिझर]ला प्रेक्षकांचा भरभरून प्रेतिसाद मिळत आहे.

सलमान खानच्या 'सिकंदर' या चित्रपटाचा टीझर यापूर्वी 27 डिसेंबरला त्याच्या वाढदिवसानिमित्त प्रदर्शित होणार होता. मात्र माजी पंतप्रधान डॉ. मनमोहन सिंग यांच्या निधनामुळे निर्मात्यांनी या टिझरची तारीख पुढे ढकली. चित्रपटाच्या निर्मात्यांनी ट्विटरवर नवीन रिलीजची तारीख आणि वेळेची माहिती देखील दिली होती. तसेच माजी पंतप्रधान डॉ. मनमोहन सिंग यांच्या स्मरणार्थ हा टीझर पोस्ट केला.

सलमानच्या चित्रपटाचा हा टीझर मन जिंकेल

सलमान खानच्या 'सिकंदर' या बहुप्रतिक्षित चित्रपटाच्या टीझरने इंटरनेटवर मोठ्या प्रमाणात व्हायरल होत आहे. या टीझरमध्ये, सलमान खान पूर्णपणे नवीन अवतारात दिसत आहे, सलमान या टिझरमध्ये स्वॅगने परिपूर्ण दिसत आहे. जबरदस्त व्हिज्युअल आणि सिकंदरने सिनेमाची भव्यता या टिझरमधून पाहायला मिळत आहे.

टीझर रिलीजची वेळ दोनदा बदलण्यात आली

निर्मात्यांनी या चित्रपटाचा टीझर एकदा नव्हे तर दोनदा बदलला आहे. सिकंदरचा टीझर लाँच होण्यास उशीर झाल्याची माहिती देताना निर्मात्यांनी टीझरच्या संदर्भात सोशल मीडियावर लिहिले होते, देश डॉ. मनमोहन सिंग यांना श्रद्धांजली अर्पण करतो, आम्ही सिकंदरचा टीझर लॉन्च उद्या संध्याकाळी 4.05 वाजता ठेवला आहे. आम्ही राष्ट्राशी एकरूप आहोत. आम्ही तुमच्या समजूतदारपणाची आणि संयमाची प्रशंसा करतो. तुमच्या टीझरची प्रतीक्षा सार्थ ठरेल. यापूर्वी, चित्रपट निर्मात्यांनी एक पोस्ट शेअर केली होती आणि सकाळी 11.07 वाजता टीझर रिलीज करण्याची माहिती दिली होती.

सलमान खान त्याच्या आगामी सिकंदर या चित्रपटामुळे बऱ्याच दिवसांपासून चर्चेत आहे. निर्मात्यांनी अलीकडेच त्याचे फर्स्ट-लूक पोस्टर रिलीज केले होते, ज्याने सलमानच्या चाहत्यांचा उत्साह द्विगुणित केला होता.या चित्रपटाची निर्मिती साजिद नाडियाडवाला यांनी केली असून एआर मुरुगदास दिग्दर्शित या चित्रपटात सलमान खानसोबत रश्मिका मंदाना मुख्य भूमिकेत दिसणार आहे.