बिग बॉसच्या (Bigg Boss 18) घरात राडा दिवसेंदिवस वाढत जात आहे. सध्या 'वीकेंड का वार' बिग बॉसच्या घरात रंगला आहे. सलमान खान घरातील सदस्यांची शाळा घेताना पाहायला मिळत आहे. अशात आता सदस्यांना खडेबोल सुनावण्यासाठी टिव्ही अभिनेत्री हिना खान देखील बिग बॉस 'वीकेंड का वार'ला आली आहे.
बिग बॉसच्या मंचावर हिना खानची दमदार एन्ट्री पाहायला मिळाली. बिग बॉक्सच्या घरात नुकताच एक टास्क पार पडला त्यात घरातील सदस्यांना आपल्या एका मित्राचे नाव द्यायचे होते. ज्याचा त्यांना हेवा किंवा मत्सर वाटतो.
बिग बॉसने शेअर केलेल्या प्रोमोमध्ये तुम्ही पाहू शकता की, हिना खान शिल्पा शिरोडकरची शाळा घेते. करण वीरला नॉमिनेट करण्याच्या निर्णयावर ती शिल्पाला प्रश्न करते. तर करणला देखील ती बोलते, तू स्वतःचा खेळ का नाही खेळत. तुला तुझ्या मैत्रीणीने नॉमिनेट केल्यावर स्वतःचे मत का नाही मांडलं. हिना खान करणवीरला त्याच्या गेममधील भूमिकेबद्दल प्रश्न करते.
हिना खान (Hina Khan ) स्वतःदेखील बिग बॉसची स्पर्धक राहिली आहे. बिग बॉसमधील तिचा गेम चाहत्यांना खूप आवडला. बिग बॉसच्या घरात हिनाला शेर खान अशी ओळखही मिळाली होती. सध्या हिना खान ब्रेस्ट कॅन्सशी झुंज देत आहे. मात्र तिने या संपूर्ण प्रवासात स्वतःला खूप सकारात्मक ठेवले आहे. या प्रवासातही ती काम करत आहे. कार्यक्रमांना जात आहे. बिग बॉसच्या मंचावर येताना ती 'लग जा गले' हे गाणे गाते. सलमान खान (salman khan ) देखील हिनाचे खूप कौतुक करतो आणि तिला 'रिअल लाइफ फायटर' म्हणतो.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.