Kisi Ka Bhai Ki Jaan Trailer Release Date: सलमान खानच्या 'किसी का भाई किसी की जान' या चित्रपटाची जोरदार चर्चा आहे. नुकतीच निर्मात्यांनी चित्रपटाच्या ट्रेलर कधी प्रदर्शित होणार याची माहिती दिली आहे. सलमानने त्याच्या आगामी चित्रपटाचे एक पोस्टर शेअर केले आहे. या पोस्टरमध्ये सलमान, पूजा हेगडेसोबत रोमँटिक पोज देताना दिसत आहे.
बॉलिवूडचा सुपरस्टार सलमान खानचा मोस्ट अवेटेड चित्रपट 'किसी का भाई किसी की जान' या महिन्यात ईदच्या मुहूर्तावर प्रदर्शित होणार आहे. चित्रपटाचा टीझर आणि गाणी पाहिल्यानंतर भाईजानचे चाहते ट्रेलरची आतुरतेने वाट पाहत होते. चाहत्यांचा उत्साह पाहून निर्मात्यांनी 'किसी का भाई किसी की जान'च्या ट्रेलरची रिलीज डेट जाहीर केली आहे.
मात्र ट्रेलर रिलीज होण्याआधीच सलमान खानने सोशल मीडियावर त्याच्या चाहत्यांना आणखी एक सरप्राईज दिले आहे. त्याने आगामी चित्रपटाचे एक पोस्टर शेअर केले आहे, ज्यामध्ये तो चित्रपटाची अभिनेत्री पूजा हेगडेसोबत रोमँटिक लूकमध्ये दिसत आहे. या पोस्टरमुळे चाहत्यांच्या आणखी खुश झाले आहेत.
सलमान खानने त्याच्या सोशल मीडियावर 'किसी का भाई किसी की जान' चित्रपटाचे पोस्टर शेअर केले आहे, ज्यामध्ये तो पूजा हेगडेच्या सोबत दिसत आहे. लूकबद्दल बोलायचे झाले तर, सलमान खानने काळ्या रंगाचा शर्ट घातला आहे. त्याच्या मोकळ्या लांब केसातील लूक चाहत्यांना खूप आवडला आहे. पूजाने काही ऑक्सिडाइज्ड दागिन्यांसह पिवळा ड्रेस परिधान केला आहे.
पोस्टर शेअर करताना सलमान खानने चित्रपटाच्या ट्रेलरच्या प्रदर्शनाची तारीखही सांगितली आहे. त्याने लिहिले, 'ट्रेलर 10 एप्रिल रोजी आऊट होईल.' ही अपडेट समजल्यापासून सलमानचे चाहते ट्रेलर पाहण्यासाठी उत्सुक आहेत. त्याचा हा चित्रपट खूप हिट होणार असल्याचे अनेकांचे म्हणणे आहे.
याआधीही सलमान खानने सोशल मीडियावर मोशन पोस्टर शेअर करताना आगामी चित्रपटाच्या ट्रेलरच्या रिलीजची तारीख जाहीर केली होती. पोस्टरमध्ये अभिनेता हातात खंजीर घेऊन स्वॅगमध्ये दिसत होता. पण पोस्टरचा मजेशीर भाग म्हणजे रक्ताऐवजी चाकूने सलमान फुलांच्या पाकळ्या विखुरतोय. यावरून सलमान प्रेमासाठी लढणार असल्याचे दिसून येते. हा एक जबरदस्त अॅक्शन असलेला कौटुंबिक चित्रपट देखील आहे.
पूजा हेगडे व्यतिरिक्त शहनाज गिल, सिद्धार्थ निगम, राघव जुयाल आणि पलक तिवारी देखील सलमान खानच्या मल्टीस्टारर चित्रपट 'किसी का भाई किसी की जान' मध्ये दिसणार आहेत. चित्रपटाचे नवे गाणे 'येंटम्मा' यापूर्वी रिलीज झाले होते, ज्यामध्ये सलमान आणि व्यंकटेश यांच्याशिवाय साऊथचा सुपरस्टार राम चरण देखील दिसला होता.
गाण्यात तिघांनाही एकत्र पाहून चाहत्यांचा आनंद गगनात मावेनासा झाला होता. 'किसी का भाई किसी की जान' हा चित्रपट ईदच्या खास मुहूर्तावर प्रदर्शित होणार आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.