Saif Ali Khan Net Worth : पतौडी पॅलेस, कोट्यवधींचं घर, महागड्या गाड्या..; बॉलिवूडचा नवाब किती कोटींचा मालक?

बॉलिवूड स्टार सैफ अली खान ( Saif Ali Khan ) नेहमीच आपल्या अभिनयाने प्रेक्षकांच्या मनावर राज्य करतो. त्याने अनेक हिट चित्रपट दिले आहेत. त्याच्या दमदार अभिनयासाठी तो प्रसिद्ध आहे. त्याची इंडस्ट्रीमध्ये नवाब म्हणून ओळखले जाते. 90 व्या दशकापासून आतापर्यंत सैफ अली खानने शानदार चित्रपटांमधून प्रेक्षकांचे भरपूर मनोरंजन केले आहे.

सैफ अली खान नवाबांच्या घराण्यातून आहे. त्यांने 'परंपरा' या चित्रपटातून हिंदी चित्रपटसृष्टीत पदार्पण केले. सैफने आपल्या आजवरच्या संपूर्ण कारकि‍र्दीत अनेक हिट चित्रपट दिले आहेत. त्याच्या अभिनयाचे चाहते वेडे आहेत. त्यांनी मैं खिलाडी तू अनारी, कल हो ना हो, हम साथ साथ हैं, कच्चे धागे, सलाम नमस्ते, रेसअशा अनेक हिट चित्रपट काम केले आहे. त्यांच्या तान्हाजी चित्रपटातील भूमिकेने तर प्रेक्षकांचे मन जिंकले आहे.

मीडिया रिपोर्टनुसार, 1200 कोटी रुपये सैफ अली खानची एकूण संपत्ती (Net Worth) आहे. तर सैफची वार्षिक कमाई ३० कोटींहून अधिक आहे. सैफ अली खान चित्रपट, जाहिराती, वेब सिरीज, ब्रँड यांच्यातील पैसा कमावतो. तसेच सैफ अली खानने अनेक वैयक्तिक गुंतवणूक देखील केल्या आहेत.

सैफच्या नावावर इलुमिनाटी फिल्म्स आणि ब्लॅक नाइट फिल्म्स असे दोन प्रॉडक्शन हाऊस आहेत. सैफकडे हरियाणातील पतौडी पॅलेस, मुंबईतील आलिशान बंगला मिळून करोडोची मालमत्ता आहे. सैफ अली खानकडे अनेक आलिशान गाड्या आहेत. तसेच तो आपल्या मुंबई वांद्रे येथील आलिशान अपार्टमेंटमध्ये कुटुंबासोबत राहतो. त्याचा या आलिशान गाड्यांची किंमत लाख आणि करोडात आहे. त्याच्याकडे Audi R8 Spyder, BMW 730LD तसेच अजून अनेक गाड्या आहेत.