मुंबई: नुकताच बिग बॉसच्या चौथ्या पर्वातील दुसरा कॅप्टन मिळाला आहे. त्यासाठी रोहित शिंदे आणि अक्षय केळकर स्पर्धेत होते. बिग बॉसच्या घरात काल दुसरा कॅप्टन कोण बनणार याची चढाओढ पहायला मिळाली. दुसऱ्या आठवड्यासाठी कॅप्टन्सी कार्य पार पडत बिग बॉसच्या घरात पार्किंगचा टास्क रोहित शिंदे जिंकल्याने तो दुसऱ्या आठवड्यातील कॅप्टन बनला आहे. (Bigg Boss) (Marathi Entertainment News)
पहिल्या दिवसापासून घरात तंटे होताना दिसत आहेत. स्पर्धकांमध्ये आपापसात वाद- विवाद, राडा, मस्ती, चेष्टा- मस्करी पहायला मिळत आहे. दररोज बिग बॉसच्या घरातील व्हिडिओ सोशल मीडियावर व्हायरल होत असतात. काही व्हिडीओ बऱ्याचदा चर्चेचा विषय ठरत आहे. यामध्ये अपूर्वा, रोहित दोघेही मिळून रुचिराची खिल्ली उडवत आहे.
कलर्स मराठीने आपल्या अधिकृत इन्स्टाग्रामवर व्हिडिओ शेअर केला आहे. या व्हिडिओत अपूर्वा, रोहित मिळून रुचिरा कशी बोलते यावर खिल्ली उडवताना दिसत आहे. अपूर्वा रॅपरसारखी अॅक्शन करत रुचिराची अॅक्टिंग करत आहे. रुचिराही याचा आनंद घेताना दिसत आहे. त्यामुळे तिघांचाही धम्माल करणारा व्हिडिओ सोशल मीडियावर चांगालाच व्हायरल होताना दिसत आहे.
दरम्यान आगामी दिवसात अजून किती राडे पाहायला मिळणार हे पाहणे औत्सुक्याचे ठरणार आहे. सोबतच यंदाच्या आठवड्यातील चावडीमध्ये महेश सर कोणावर टिकेचे बाण सोडणार हे पाहण्यासाठी सर्वच उत्सुक आहेत.
Edit By: Chetan Bodke
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
