Badshah Sanak Music Controversy: बादशाहाच्या नवीन गाण्यावर संत- महंतांनी घेतला आक्षेप, शिवभक्तांनी नोंदवला एफआयआर; नेमकं काय आहे प्रकरण?

Badshah Sanak Music Controversy: बॉलिवूडचा सुप्रसिद्ध रॅपर बादशाह सध्या त्याच्या गाण्यामुळे चर्चेत आला आहे. नुकताच बादशाहचा नवं अल्बम साँग रिलीज झाल्यापासून बराच वाद उफाळून आला आहे. गाणं प्रदर्शित झाल्यानंतर भगवान शंकराच्या भक्तांनी रॅपरवर एफआयआर नोंदवला आहे.

रॅपर बादशाहने नव्या गाण्यात भगवान शंकराचा उल्लेख केला आहे. या गाण्याचे बोल अश्लील असल्याचे म्हणत महाकाल मंदिराच्या पुजाऱ्यांसोबतच संत- महंतांनीही त्याच्या अल्बमवर तीव्र आक्षेप घेतला आहे. रॅपर बादशाहच्या नुकत्याच प्रदर्शित झालेल्या सनक अल्बममधील एका गाण्याने महाकालचे अनेक पुजारी संतापले आहेत. (Entertainment News)

“भगवान शंकरांचे नाव जर घ्यायचे असेल तर त्यांचे भजन करा आणि सोशल मीडियावर सर्वाधिक व्हायरल करा. पण स्वत:च्या प्रसिद्धीसाठी देव- देवतांच्या नावाचा गैरवापर करत अशी प्रसिद्धी खपवून घेतली जाणार नाही. कोणतेही अभिनेता किंवा अभिनेत्री असो, त्यांना देवाच्या नावाखाली अश्लिलता पसरवण्याचा अधिकार नाही. याच्या आम्ही विरोधात आहोत.” असे पुजारी म्हणतात. (Bollywood News)

सनक नावाच्या अल्बममधील हे गाणं सध्या सोशल मीडियावर बरेच व्हायरल होत आहे. आतापर्यंत या गाण्याला युट्युबवर १.८ लाखांहून अधिक व्ह्यूज मिळाले आहेत. या गाण्यात काही प्रमाणात अश्लिल शब्दांचा वापर करत उल्लेख केला आहे, असे म्हणत अनेक शिवभक्त सोशल मीडियावर चांगलेच संतापले आहेत. गाण्याच्या काही भागांवर आक्षेप नोंदवला असून या वादावर रॅपर बादशाहने कोणतीही प्रतिक्रिया दिलेली नाही. (Latest Marathi News)