Rakhi Sawant: दीपिका आई झाली अन् राखीचा आनंद गगनात मावेना, दुबईत खरेदी केली खेळणी; Video पाहा

बॉलिवूडचे सुप्रसिद्ध कपल अभिनेता रणवीर सिंग आणि अभिनेत्री दीपिका पादुकोण नुकतंच आई- बाबा झाले आहेत. गणेश चतुर्थीच्या दुसऱ्या दिवशी दीपिकाने गोंडस मुलीला जन्म दिला आहे. इंडस्ट्रीतल्या अनेक सेलिब्रिटीसह चाहत्यांनी त्यांना शुभेच्छा दिल्या आहेत. अशातच आता अभिनेत्री 'ड्रामा क्वीन' राखी सांवतने रणवीर आणि दीपिकाला अभिनंदन केले आहे. राखीने दुबईच्या मॉलमध्ये बाळासाठी खेळणी घेतली आहेत.

राखी सांवतने इन्स्टाग्रामवर स्टोरी पोस्ट केली आहे. ज्यामध्ये राखी मॉलमध्ये गेल्याचं दिसतय. राखीने, रणवीर सिंग आणि दीपिका पादुकोणला प्लाइंग किस देत "मी मावशी झाल्याचं म्हटलं आहे. दीपिका तुला आठवतंय का? आपण एकत्र डान्स केला होता. एकत्र करिअरला सुरूवात केली. तू मोठी स्टार झालीस, बायको झाली आणि आता आई झाली आहेस ओ माय गॉड..."

मावशी झाल्याबद्दल राखीचा आनंद गगनात मावेनासा झाला आहे. राखीने सोशल मीडियाच्या माध्यमातून दीपिका आणि रणवीरला शुभेच्छा दिल्या आहेत. राखीने दीपिका- रणवीरच्या बाळासाठी खेळणी देखील घेतली आहेत. सोशल मीडियावर राखीचा हा व्हिडीओ तुफान व्हायरल झाला आहे.

मागच्या वर्षी सोशल मीडियाच्या माध्यमातून दीपिकाने तिच्या चाहत्यांना गुडन्यूज दिली होती. सप्टेंबर महिन्यात दीपिकाच्या घरी नव्या पाहुण्याचे स्वागत होणार असल्याचे तिनं सांगितलं होतं. यानंतर दीपिका आणि रणवीर मॅटर्निटी लिव्हवर होते. आता बाळाला जन्म दिल्यानंतर पाच महिन्यांनी दीपिका तिच्या कामाला सुरूवात करणार असल्याची माहिती आहे.