Box Office Collection Report: 'वॉर २' आणि 'कुली'च्या कमाईला ब्रेक लागायला सुरुवात; 'महावतार नरसिंह'ने मारली बाजी

Box Office Collection Report: बॉक्स ऑफिसवर सध्या तीन मोठे चित्रपट चर्चेत आहेत रजनीकांतचा 'कुली', हृतिक रोशन आणि ज्युनियर एनटीआरचा 'वॉर २' आणि अॅनिमेटेड चित्रपट 'महावतार नरसिंह'. या तिन्ही चित्रपटांना जोरदार स्पर्धा सुरु आहे. पण, सोमवारी झालेल्या कलेक्शनमध्ये 'कुली' आणि ''वॉर २' यांची जादू फेल होत असल्याचे दिसून आले.

'कुली'

सुपरस्टार रजनीकांतच्या 'कुली'ने रिलीज झाल्यापासून बरीच कमाई करून बॉक्स ऑफिसवर वर्चस्व गाजवले आहे. या चित्रपटाने १२ व्या दिवशी म्हणजेच दुसऱ्या सोमवारी २.५२ कोटी रुपयांचा कलेक्शन केले. यासह, चित्रपटाचा एकूण कलेक्शन २५९.८७ कोटींवर पोहोचला आहे. २५९.८७ कोटींचं कलेक्शन करुनही या चित्रपटच्या कमाईला ब्रेक लागायला सुरुवात झाली आहे.

‘वॉर २’

दुसरीकडे, हृतिक रोशन आणि ज्युनियर एनटीआर यांच्या ‘वॉर २’ ने सुरुवात चांगली केली होती, परंतु आता चित्रपटाची गती मंदावत आहे. दुसऱ्या रविवारीही चित्रपटाच्या कलेक्शनमध्ये कोणतीही वाढ झाली नाही. ११ व्या दिवशी चित्रपटाने फक्त ६.६० कोटी रुपये कमावले आणि सोमवारी हा आकडा २.२५ कोटी रुपयांवर आला. १२ दिवसांत या चित्रपटाचे एकूण कलेक्शन २२४.२५ कोटी रुपये झाले आहे.

‘महावतार नरसिंह’

या दोन चित्रपटांमध्ये, महावतार नरसिंह या अॅनिमेटेड चित्रपटाने सर्वांना आश्चर्यचकित केले आहे. सहसा अॅनिमेटेड चित्रपट भारतात मोठी कमाई करत नाहीत, परंतु या चित्रपटाने एक विक्रम केला आहे. रिलीजच्या एका महिन्यानंतरही हा चित्रपट कोटींमध्ये कलेक्शन करत आहे. पाचव्या सोमवारी म्हणजेच ३२ व्या दिवशी चित्रपटाने १.२५ कोटी रुपयांचा व्यवसाय केला. यासह एकूण कलेक्शन २३३ कोटींवर पोहोचले आहे. हा चित्रपट केवळ मुलांनाच नाही तर कुटुंबांनाही थिएटरकडे आकर्षित करत आहे.