Priya Marathe: लाडक्या मैत्रीणीला शेवटाचा निरोप; अभिनेत्री प्रार्थना बेहेरेला अश्रू अनावर, हृदय पिळवटून टाकणारा क्षण, VIDEO

Priya Marathe Funeral: अभिनेत्री प्रिया मराठेच्या निधनाने संपूर्ण मराठी कलाविश्व शोकाकुल झाले आहे. प्रियाचा अंत्यसंस्कार शनिवारी करण्यात आला. या वेळी तिच्या कुटुंबियांसह जवळचे नातेवाईक, मित्रमैत्रिणी आणि कलाकार मंडळी उपस्थित होते. प्रियाच्या पार्थिवाला अंतिम निरोप देताना सर्वांच्याच डोळ्यात पाणी होते.

प्रियाची जिवलग मैत्रीण अभिनेत्री प्रार्थना बेहेरे देखील अंत्यविधीच्या वेळी भावनांना आवर घालू शकली नाही. डोळ्यांतून वाहणारे अश्रू आणि दुःखाने दाटून आलेला तिचा चेहरा पाहून चाहत्यांच्याही डोळ्यात पाणी आले. प्रियासोबतच्या आठवणींनी व्याकुळ झालेली प्रार्थना तिला शेवटचा निरोप देताना खूपच हळवी झाली.

प्रियाच्या जाण्याने मराठी मनोरंजनसृष्टीत मोठी पोकळी निर्माण झाली आहे. अल्पावधीतच तिने प्रेक्षकांच्या मनात एक वेगळी छाप निर्माण केली होती. तिच्या जाण्याने सहकलाकार, चाहते आणि चाहत्यांच्या मनात खोल दुःख दाटून आले आहे. तिला शेवटचा निरोप देताना अभिनेत्री प्रार्थना बेहेरेसह विजू माने, अभिजित खांडेकर, ओमप्रकाश शिंदे, शाल्मली टोळ्ये, स्वप्नाली पाटील, अस्ताद काळे आदि कलाकार जड अंतकरणाने उपस्थित होती.

यासह सोशल मीडियावरूनही अनेक कलाकारांनी प्रियाला श्रद्धांजली अर्पण केली आहे. तुझं हसतं रूप कायम लक्षात राहील” अशा शब्दांत अनेकांनी आपल्या भावना व्यक्त करत अचानक झालेल्या तिच्या निधनाबद्दल दु:ख व्यक्त केल आहे.