Deool Band 2 Collection : स्वामींचा आशीर्वाद! 'देऊळ बंद २' बॉक्स ऑफिसवर सुसाट; १४ व्या दिवशीही बक्कळ कमाई, प्रवीण तरडेंनी जमवला कोट्यवधींचा गल्ला

'देऊळ बंद' प्रमाणेच 'देऊळ बंद २' ला प्रेक्षक भरभरून प्रेम देताना दिसत आहे. सोशल मीडियावर 'देऊळ बंद २' बद्दल भन्नाट प्रतिक्रिया पाहायला मिळत आहे. सर्वजण मराठीतील ज्येष्ठ अभिनेते मोहन जोशी यांच्या अभिनयाचे आणि उत्साहाचे कौतुक करत आहे. 'देऊळ बंद २' चित्रपट २१ मे ला रिलीज झाला. या भागात शेतकऱ्याची कथा दाखवण्यात आली आहे, जी थेट प्रेक्षकांच्या काळजाला भिडली. 'देऊळ बंद २' चित्रपटात महिला शेतकऱ्याच्या भूमिकेत स्नेहल तरडे दिसल्या आहेत. चित्रपटाची कथा, संवाद आणि दिग्दर्शन प्रवीण तरडे यांनी केले आहे. चित्रपटाचे कलेक्शन जाणून घेऊयात.

'देऊळ बंद २' बॉक्स ऑफिस कलेक्शन दिवस १४

Sacnilk च्या रिपोर्टनुसार, प्रवीण तरडेंच्या 'देऊळ बंद २' चित्रपटाने दुसऱ्या बुधवारी म्हणजे १४ व्या दिवशी १,९५० शोजमधून ₹१.८० कोटींची नेट कमाई केली आहे. यामुळे आतापर्यंतचे भारतातील एकूण ग्रॉस कलेक्शन ₹५९.७३ कोटी रुपये झाले तर नेट कलेक्शन ५०.८० कोटी इतके झाले आहे.

• 'देऊळ बंद २' दिवस १ - ३.०५ कोटी रुपये

• दिवस २ -३.११ कोटी रुपये

• दिवस ३ -५.२१ कोटी रुपये

• दिवस ४ - ६. १० कोटी रुपये

• दिवस ५ - ३. ७० कोटी रुपये

• दिवस ६ - ३.३५ कोटी रुपये

• दिवस ७ - ३.६० कोटी रुपये

• दिवस ८ - ४.५५ कोटी रुपये

• दिवस ९ - ३.१० कोटी रुपये

• दिवस १० - ५ कोटी रुपये

• दिवस ११ - ५.७५ कोटी रुपये

• दिवस १२ - २.६० कोटी रुपये

• दिवस १३ - २.३५ कोटी रुपये

• दिवस १४ - १.८० कोटी रुपये

• एकूण - ५०.८० कोटी रुपये

प्रवीण तरडेंचा आगामी प्रोजेक्ट काय?

'राजश्री मराठी'ला दिलेल्या मुलाखती प्रवीण तरडेंनी सांगितले की, "देऊळ बंद २ नंतर शक्यतो 'मुळशी पॅटर्न २'कडे मी जाईन...आपण जेव्हा घर बुक करतो तेव्हा त्याचा मोठा हप्ता भरावा लागतो. त्यामुळे तुमच्या-आमच्या घराचं स्वप्न महाग का झालं? याचं उत्तर 'मुळशी पॅटर्न २' मध्ये मिळणार...चित्रपटाचे नावच आहे- 'मुळशी पॅटर्न २ -तुमच्या घरातच्या भिंतीतल्या वाळूतील गोष्ट' " चाहते आता 'मुळशी पॅटर्न २' साठी खूपच उत्सुक पाहायला मिळत आहे.