Deool Band 2 Collection : स्वामींची कृपा! 'देऊळ बंद २'ची १०० कोटींच्या दिशेने यशस्वी घोडदौड सुरू; 'राजा शिवाजी'ला देतोय तगडी टक्कर, प्रवीण तरडेंच्या चित्रपटाने किती कमावले?

प्रवीण तरडेंचा शेतकऱ्यांच्या जीवनावर आधारित आणि स्वामी भक्तीत दाखवणारा 'देऊळ बंद २' चित्रपट बॉक्स ऑफिस गाजवत आहे. चित्रपटाने ५० कोटींचा टप्पा ओलांडला असून आता १०० कोटींकडे वाटचाल पाहायला मिळत आहे. 'देऊळ बंद २' चित्रपट २१ मे ला गुरुवारी रिलीज झाला आहे. चित्रपटात ज्येष्ठ अभिनेते मोहन जोशींनी स्वामींची भूमिका साकारली आहे. तर अभिनेत्री स्नेहल तरडेने शेतकरी महिलेची भूमिका साकारली. चित्रपटाने १३ व्या दिवशी किती कमावले, जाणून घेऊयात.

'देऊळ बंद 2' बॉक्स ऑफिस कलेक्शन दिवस 13

Sacnilk च्या रिपोर्टनुसार, 13 व्या दिवशी म्हणजे दुसऱ्या मंगळवारी प्रवीण तरडेंच्या 'देऊळ बंद २' चित्रपटाने 1,925 शोजमधून ₹2.35 कोटींचा व्यवसाय केला आहे. यामुळे आतापर्यंतचे भारतातील एकूण ग्रॉस कमाई 57.63 कोटी आणि एकूण नेट कमाईने 49.00 कोटी रुपये इतकी झाली आहे. 'देऊळ बंद २' चित्रपट रितेश देशमुखच्या 'राजा शिवाजी' चित्रपटाला तगडी टक्कर देत आहे.

• दिवस १ - ३.०५ कोटी रुपये

• दिवस २ -३.११ कोटी रुपये

• दिवस ३ -५.२१ कोटी रुपये

• दिवस ४ - ६. १० कोटी रुपये

• दिवस ५ - ३. ७० कोटी रुपये

• दिवस ६ - ३.३५ कोटी रुपये

• दिवस ७ - ३.६० कोटी रुपये

• दिवस ८ - ४.५५ कोटी रुपये

• दिवस ९ - ३.१० कोटी रुपये

• दिवस १० - ५ कोटी रुपये

• दिवस ११ - ५.७५ कोटी रुपये

• दिवस १२ - २.६० कोटी रुपये

• दिवस १३ - २.३५ कोटी रुपये

• एकूण - ४९.०० कोटी रुपये

प्रवीण तरडेंचे मराठी चित्रपट

• देऊळ बंद - २०१५

• मुळशी पॅटर्न - २०१८

• सरसेनापती हंबीरराव - २०२२

• धर्मवीर - २०२२

• धर्मवीर २ - २०२४

• देऊळ बंद २ - २०२६

'देऊळ बंद 3' येणार

'देऊळ बंद २' चित्रपटाच्या शेवटी गश्मीर महाजनी म्हणजेच राघव शास्त्रीची धमाकेदार एन्ट्री पाहायला मिळते. राघव शास्त्रीला अमेरिकेत स्वामींचा फोन येतो. स्वामी म्हणतात, "येस माय डार्लिंग, आय एम युअर गॉडच... काय म्हणतेय तुझी अमेरिका? काय म्हणतोय तुझा डोनाल्ड ट्रम्प?" 'देऊळ बंद ३-आत्मनिर्भर भारत' असे चित्रपटाचे नाव असणार आहे.