Prajakta Mali : हास्यजत्रेच्या सेटवर रंगला अनोखा खेळ; 'फुलवंती'नं दिलं 'पखवाज-घुंगरू'चॅलेंज, कोणी मारली बाजी?

प्राजक्ता माळीचा 'फुलवंती' सध्या सर्वत्र गाजत आहे. प्राजक्ता 'फुलवंती' या चित्रपटातून निर्मिती क्षेत्रात पदार्पण केलं. प्राजक्ता (Prajakta Mali) आणि गश्मीर महाजनी या चित्रपटात मुख्य भूमिकेत आहेत. तसेच या चित्रपटात 'महाराष्ट्राची हास्यजत्रा' (Maharashtrachi Hasya Jatra) या कार्यक्रमाचे कलाकारही पाहायला मिळत आहे. या कलाकारांनी चित्रपटासाठी एकही रुपया मानधन घेतले नाही. प्राजक्ताच्या नृत्याचे सर्वत्र कौतुक होताना पाहायला मिळत आहे.

'महाराष्ट्राची हास्यजत्रा'या कार्यक्रमाच्या सेटवर प्राजक्ता माळीने अभिनेत्री स्नेहल तरडे आणि अभिनेता ऋषिकेश जोशी यांना एक मजेशीर चॅलेंज दिले आहे. याचा व्हिडिओ प्राजक्ताने आपल्या सोशल मीडियावर शेअर केला आहे. 'फुलवंती' चित्रपटाचे दिग्दर्शन स्वतः अभिनेत्री स्नेहल तरडे हिने केले आहे.

प्राजक्ताने 'फुलवंती'च्या टीमला एक खास चॅलेंज देऊन एक मजेशीर गेम खेळला आहे. तिने स्नेहल तरडे आणि ऋषिकेश जोशी यांना 'पखवाज आणि घुंगरू' हे चॅलेंज दिल आहे. आपण तळ्यात मळ्यात खेळतो तसाच हा गेम आहे. प्राजक्ताच्या म्हणण्यानुसार त्यांना इकडून तिकडे उड्या माराव्या लागतात. जो नाव घेतल्यावर चुकीच्या दिशेने उडी मारेल तो हरला असे घोषित होते. हा खेळ अनेक वेळ चाला तरी स्नेहल किंवा ऋषिकेश पैकी कोणही बाद झाले नाहीत. त्यांना बाद करण्यासाठी प्राजक्ताने अनेक युक्त्या केल्या मात्र त्याचा काहीच उपयोग झाला नाही. शेवटी प्राजक्तानेच हार मानली आणि म्हणाली की, स्नेहल-हृषिकेशने अत्यंत हुशारीने हा गेम खेळला आहे आणि न हारता बाजी मारली आहे.