'फुले' (Phule ) चित्रपट महात्मा फुले आणि सावित्रीबाई फुले यांच्या जीवनावर आधारित आहे. या चित्रपटात महात्मा फुले यांच्या भूमिकेत प्रतीक गांधी (Pratik Gandhi ) आणि सावित्रीबाई फुले यांच्या भूमिकेत पत्रलेखा (Patralekha ) आहे. चित्रपटाच्या ट्रेलर रिलीजनंतर अनेक आक्षेप चित्रपटावर घेण्यात आले. ज्यामुळे चित्रपटाची रिलीज डेटही पुढे ढकलण्यात आली. मात्र आता अखेर फुले चित्रपट प्रेक्षकांच्या भेटीला आला आहे. या चित्रपटाने पहिल्या दिवशी किती कोटींची कमाई केली जाणून घेऊयात.
'फुले' हा बहुचर्चित चित्रपट काल (25 एप्रिल) ला रिलीज झाला आहे. हा चित्रपट रिलीज होण्याआधी वादाच्या भोवऱ्यात अडकला होता. मीडिया रिपोर्टनुसार, 'फुले' चित्रपटाने रिलीजच्या पहिल्या दिवशी जगभरात 24 कोटींची कमाई केली आहे. तर भारतात 21 लाख रुपये कमावले आहे. 'फुले' चित्रपट वीकेंडला किती कमाई करतो, हे पाहणे महत्त्वाचे ठरणार आहे.
सध्या बॉक्स ऑफिसवर 'फुले' चित्रपटासोबतच 'ग्राउंड झिरो', 'जाट'आणि 'केसरी 2' हे चित्रपट देखील पाहायला मिळत आहे. मीडिया रिपोर्टनुसार, इमरान हाश्मीचा 'ग्राउंड झिरो' चित्रपटाने पहिल्या दिवशी फक्त 1.00 कोटी रुपयांची कमाई केली आहे. 'ग्राउंड झिरो'चित्रपटाने 'फुले' चित्रपटाला मागे टाकले आहे. सनी देओलच्या 'जाट' चित्रपटाने जगभरात 107 कोटी तर भारतात 93.8 कोटींची कमाई केली आहे. दुसरीकडे अक्षय कुमारच्या 'केसरी 2' ने जगभरात 70.7 कोटी आणि 50.7 कोटींचा व्यवसाय केला आहे.
बॉक्स ऑफिसवर 'फुले' आणि 'ग्राउंड झिरो' चित्रपटाची टक्कर पाहायला मिळत आहे. 'फुले' चित्रपटाचे दिग्दर्शक अनंत महादेवन आहे. 'फुले' आणि 'ग्राउंड झिरो' चित्रपट काल (25 एप्रिल) एकाच दिवशी रिलीज झाला आहे. भविष्यात 'फुले' की 'ग्राउंड झिरो' कोण बाजी मारणार याकडे प्रेक्षकांचे लक्ष लागून आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.