Parineeti Chopra Spotted With Ring: बॉलिवूड अभिनेत्री परिणीती चोप्रा आणि आम आदमी पक्षाचे खासदार राघव चड्ढा यांच्या रिलेशनची चर्चा गेल्या अनेक दिवसांपासून होत आहे. जरी या जोडप्याने त्यांच्यातील नाते अधिकृत जाहीर केले नसले तरी, पंजाबी गायक-अभिनेता हार्डी संधू सोबत आप खासदार संजीव अरोरा यांनीही ट्विट करून या जोडप्याचे अभिनंदन केले. लग्न आणि अफेअरच्या चर्चांवर परिणीतीने अद्यापही मौन बाळगले असले तरी, सध्या परिणीतीच्या एका अंगठीने सर्वांचेच लक्ष वेधले. सध्या तिच्या या व्हिडीओची सोशल मीडियावर बरीच चर्चा होत आहे.
सोशल मीडियावर एका युजरने शेअर केलेल्या व्हिडीओमध्ये, परिणीतीच्या अंगठीने सर्वांचेच लक्ष वेधले आहे. त्या व्हिडीओत तिच्या हातात अंगठी दिसत असून तिच्या हातातील अंगठी पाहून अनेकांनी एंगेजमेंट झाली का? असा प्रश्न विचारत आहे.
सोमवारी रात्री सेलिब्रिटी मॅनेजर पूनम दमानिया यांच्या ऑफिसमध्ये परिणीती चोप्रा स्पॉट झाली. यावेळी तिने जिन्स आणि क्रॉप टॉप घातला होता. परिणीतीचा हा कॅज्युअल लूकमध्ये सर्वांचेच लक्ष स्वत: कडे वेधत आहे. ऑफिसमधून बाहेर पडण्यापूर्वी अभिनेत्रीने कॅमेऱ्यासमोर स्माईलही दिली. (Bollywood News)
तर खासदार राघव चड्ढा यांनी पत्रकारांशी नुकत्याच झालेल्या भेटीत आपल्या रुमर्ड वेडिंगवरील प्रश्नांना उत्तर देणं टाळले. मात्र, अलीकडेच गायक-अभिनेता हार्डी संधूने परिणीती आणि राघव चढ्ढा यांच्या नात्याला दुजोरा दिला होता. हे दोघे लवकरच लग्न करणार असल्याचेही त्यांनी सांगितले.(Entertainment News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
