Bibek Pangeni : नेपाळी इन्फ्लुएंसर बिबेक पांगेनीची कर्करोगाशी झुंज संपली, वयाच्या ३२ व्या वर्षी घेतला अखेरचा श्वास

Bibek Pangeni : जॉर्जिया विद्यापीठात भौतिकशास्त्र आणि खगोलशास्त्रात पीएचडी करणारे आणि सोशल मीडियावरील एक लोकप्रिय इन्फ्लुएंसर म्हणून ओळख असलेला बिबेक पंगेनी याचे ब्रेन ट्यूमरशी दीर्घ आणि शूर लढाईनंतर निधन झाले. सोशल मीडियावरून त्याच्या निधनाची बातमी कळवल्याने जगभरातील त्याच्या चाहत्यांमध्ये शोककळा पसरली आहे.

२०२२ मध्ये जेव्हा बिबेक पंगेनीच्या ब्रेन ट्यूमरचे निदान झाले तेव्हा त्याने त्याच्या आजारपणाविषयीची माहिती सोशल मीडियाद्वारे इंस्टाग्रामवर देण्यास सुरूवात केली. या दरम्यान त्याने त्याचे अनेक अनुभव शेअर केले. त्यांच्या संपूर्ण लढाईत, बिबेक याची पत्नी, श्रीजना सुबेदी हिने त्याला खंबीर आधार दिला ती सतत त्याच्या पाठीशी खंबीरपणे राहिली. या कपलने शेअर केलेले व्हिडिओमध्ये त्याच्या संपूर्ण प्रवासाचा उलघडा होतो.

गेल्या काही आठवड्यात बिबेकच्या आरोग्याविषयीच्या अपडेट्स येण्याचे प्रमाण कमी झाले होते. निधनापूर्वीच्या काही दिवसांत त्याची प्रकृती आणखी बिकट झाली. सतत उपचार घेत असताना आणि खूप ताकद दाखवूनही, त्यांची प्रकृती झपाट्याने खालावल्यामुळे नेपाळी इन्फ्लुएंसर बिबेक पांगेनीचे निधन झाले.

बिबेक पांगेनीला ग्लिओमा हा ट्युमर झाला होता. ग्लिओमा हा मेंदू किंवा पाठीच्या कण्यामध्ये विकसित होणाऱ्या ट्यूमरचा एक प्रकार आहे, विशेषतः मज्जातंतू पेशींना आधार देणाऱ्या ग्लिअल पेशींमध्ये हा ट्युमर होतो त्यामुळे मेंदू किंवा पाठीच्या कण्यामध्ये हा ट्युमर वाढत जातो.