नवरा माझा नवसाचा या चित्रपटाची प्रेक्षकांना प्रचंड उत्सुकता होती. गेल्या अनेक वर्षापासून या चित्रपटाच्या प्रतिक्षेत चाहते होते. अखेर ती वेळ आली आहे आणि 'नवरा माझा नवसाचा २' हा चित्रपट प्रेक्षकांच्या भेटीला आला आहे. चित्रपट रिलीज झाल्यानंतर प्रेक्षकांचा चित्रपटाला चांगलाच प्रतिसाद आहे.
'नवरा माझा नवसाचा २' हा चित्रपट रिलीज झाला आहे. चित्रपट रिलीज झाल्यानंतर प्रेक्षकांनी चित्रपट पाहण्यासाठी तुफान गर्दी केली आहे. पहिल्याच दिवशी या चित्रपटाने बॉक्स ऑफिसवर आपली चांगली जादू दाखवली आहे.
'नवरा माझा नवसाचा २'हा २००४ च्या नवरा माझा नवसाचा चित्रपटाचा दुसरा भाग आहे. तब्बल २० वर्षांनी आलेल्या या कॉमेडी चित्रपटाच्या रिलीजकडे प्रेक्षकांचे लक्ष होते. नुकतंच चित्रपट रिलीज झाला आहे. रिलीजच्या पहिल्याच दिवशी या चित्रपटाने छप्परफाड कमाई केली याची आकडेवारी समोर आली आहे.
'नवरा माझा नवसाचा २' चित्रपट पाहण्यासाठी सिनेमागृहात जबरदस्त गर्दी आहे. १००० हून अधिक सिनेमागृहात हा चित्रपट रिलीज झाला आहे. मराठी चित्रपटाच्या यादीत या चित्रपटाची कामगिरी दमदार आहे.
माहितीनुसार, 'नवरा माझा नवसाचा २' या चित्रपटाने रिलीजच्या पहिल्याच दिवशी १ कोटी ७० लाखांची कमाई केली आहे. तसेच विकेंड असल्यामुळे या चित्रपटाला आणखी फायदा होण्याची शक्यता आहे. 'नवरा माझा नवसाचा २' चित्रपटात सचिन पिळगांवकर, सुप्रिया पिळगांवकर, अशोक सराफ, स्वप्नील जोशी, हेमल इंगळे, वैभव मांगले, निर्मिती जाधव आणि सिद्धार्थ जाधव ही तगडी स्टारकास्ट आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
