Hemal Ingale: मराठमोळी अभिनेत्री लवकरच अडकणार लग्नबंधनात;'Bride To Be' पार्टी Video व्हायरल

मराठी सिनेसृष्टीतील प्रसिद्ध अभिनेत्री लवकरच लग्नबंधनात अडकणार आहे. सोशल मीडियावर हेमल इंगळे फोटोंच्या माध्यमातून माहिती दिली आहे. नुकतीच हेमलने Bride To Be पार्टी केली. याचदरम्यानचे फोटो व्हायरल झाले आहेत.

हेमलने काही दिवसांपूर्वीच सोशल मीडियावर तिच्या साखरपुड्याचे फोटो शेअर केले होते. हेमलच्या होणाऱ्या नवऱ्याचे नाव रोनक आहे. सोशल मीडियावर सध्या हेमलने Bride To Be पार्टीचा व्हिडीओ शेअर केलाय. यामध्ये हेमल तिच्या नातेवाईक- मित्रमंडळीसह आनंदी दिसत आहे.

या व्हिडीओच्या कॅप्शनमध्ये तिने, "मी ज्यांच्यावर प्रेम करते आणि जे माझ्यावर प्रेम करतात असे माझ्या आयुष्यातील सर्व प्रेमळ या खोलीत आहे. सर्वात कमाल रात्र होती ही... हे सर्व सगळं जुळवून आणल्याबद्दल आभार, आताचा प्रत्येक क्षण माझ्यासाठी अविस्मरणीय होता आणि ही आठवण मी आयुष्यभर जपेन ! पण आता तुम्हा सगळ्यांबरोबर केक कापतानाचा हा भन्नाट व्हिडीओ शेअर करायला मला खूप आवडेल. हा व्हिडीओ माझ्या मैत्रीचं सार मांडतो. I Love You मैत्रिणींनो."

हेमलने शेअर केलेल्या या व्हिडीओवर सेलिब्रिटींसह तिच्या चाहत्यांनी लाईक्स आणि कमेंट्सचा वर्षाव केला आहे. हेमलने अद्यापही तिच्या लग्नाची तारीख सांगितली नाही. मात्र Bride To Be पार्टी झाल्याने लवकरच अभिनेत्री बोहल्यावर चढेल असं बोललं जात आहे.

हेमलच्या कामाबद्दल बोलायचे तर, नुकताच हेमल अभिनीत नवरा माझा नवसाचा २ या चित्रपटात दिसली. हेमल अभिनय बेर्डेसोबत 'अशी ही अशिकी' या चित्रपटात होती. या चित्रपटातून तिला खरी ओळख मिळाली.