मुंबई : अभिनेत्री शेफाली जरीवाला हिचं काल २७ जून रोजी हृदयविकाराच्या झटक्यानं निधन झालं. ४२ वर्षीय शेफाली जरीवाला अंधेरी येथील तिच्या राहत्या घरी बेशुद्ध अवस्थेत आढळली आणि तिला तातडीनं रुग्णालयात नेण्यात आलं, जिथे तिला मृत घोषित करण्यात आलं. आज शनिवारी मुंबईत तिच्या पार्थिवावर अंत्यसंस्कार करण्यात आले. मुंबईतील ओशिवरा स्मशानभूमीत तिच्यावर अंतिम संस्कार करण्यात आले. कुटुंबातील सदस्य, मित्र आणि उद्योगातील सहकारी त्यांना अंतिम श्रद्धांजली वाहण्यासाठी आणि निरोप देण्यासाठी जमले होते.
आरती सिंग, माहिरा शर्मा आणि रश्मी देसाई यांच्यासह इतर टीव्ही सेलिब्रिटी आज सकाळी तिच्या निवासस्थानी दिसले. तिच्या अचानक निधनाने चाहते आणि मनोरंजन विश्वाला धक्का बसला आहे. 'कांटा लगा' या म्युझिक व्हिडिओमधील तिच्या प्रतिष्ठित भूमिकेसाठी प्रसिद्ध शेफाली केवळ एक लोकप्रिय चेहरा नव्हती तर ती एक दिग्गज कलाकार होती जिने म्युझिक व्हिडिओ, टेलिव्हिजन आणि रिअॅलिटी शोमध्ये कायमची छाप सोडली.
शेफालीच्या अंत्यविधीवेळी शेफालीच्या नवऱ्याला पराग त्यागी आणि शेफालीच्या आईला देखील अश्रू अनावर झाले होते. शेफाली जरीवालाच्या निधनाचं नेमकं कारण अद्याप समोर आलेलं नाही. डॉक्टरांनी तिच्या मृतदेहाचे पोस्टमॉर्टेम केलेलं आहे. त्यामुळे आता लवकरच तिचा मृत्यू नेमका कशामुळे झाला, हे समोर येणार आहे. मिळालेल्या प्राथमिक माहितीनुसार, हृदयविकाराच्या धक्क्यामुळे तिचा मृत्यू झाला आहे. शेफालीची प्रकृती बिघडल्यानंतर तिला तातडीनं रुग्णालयात दाखल करण्यात आलं होतं. मात्र, तिचा मृत्यू झाल्याचं डॉक्टरांनी तिच्या कुटुंबीयांना सांगितलं.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.