Amitabh Bachchan Security : बॉलिवूडचे महानायक अमिताभ बच्चन यांच्या सुरक्षेत वाढ

Amitabh Bachchan Security News : बॉलिवूडचा दबंग सलमान खान याच्या सुरक्षेत वाढ करण्यात आली असतानाच, आता बॉलिवूडचे महानायक अमिताभ बच्चन यांच्याही सुरक्षेत वाढ करण्यात आली आहे. अमिताभ यांना एक्स श्रेणीची सुरक्षा देण्यात आली आहे, अशी माहिती सूत्रांनी दिली.

बॉलिवूडचा स्टार सलमान खानला बिश्नोई टोळीकडून धमक्या मिळाल्या होत्या. त्यानंतर राज्य सरकारने सलमान खानच्या सुरक्षेत वाढ केली होती. त्याला वाय प्लस दर्जाची सुरक्षा देण्यात आली होती. त्यानंतर अक्षय कुमार आणि अनुपम खेर यांनाही एक्स श्रेणीची सुरक्षा पुरवण्यात आली आहे. आता बॉलिवूडचा शहेनशहा अमिताभ बच्चन यांचीही सुरक्षा वाढवण्यात आली आहे. (Latest News Update)

अमिताभ बच्चन यांच्या सुरक्षेत वाढ करण्याचा निर्णय घेण्यात आला आहे. त्यांना एक्स श्रेणीची सुरक्षा पुरवण्यात आल्याची माहिती सूत्रांकडून देण्यात आली. बॉलिवूडमधील अभिनेत्यांना धोका असल्यामुळे त्यांना सुरक्षा व्यवस्था पुरवण्यात येते. यापूर्वी अमिताभ यांना मुंबई पोलिसांकडून सामान्य सुरक्षा देण्यात आली होती.