Anurag Worlikar Engagement: 'पोर बाजार' फेम अभिनेत्याने केला साखपुडा, कपलचे क्युट फोटो आले समोर

Anurag Worlikar Engagement Photos:

मराठी मनोरंजनसृष्टीतील अनेक कलाकारांच्या घरी सध्या लगीनघाई सुरू आहे. नुकताच अभिनेत्री अमृता देशमुख (Amruta Deshmukh) आणि अभिनेता प्रसाद जवादेचा (Prasad Jawade) लग्नसोहळा मोठ्या थाटामाटात पार पडला. आता या कपलनंतर मराठी सिनेसृष्टीतील आणखी एक अभिनेता बोहल्यावर चढणार आहे. नुकताच अभिनेता अनुराग वरळीकरचा (Anurag Worlikar) साखरपुडा पार पडला. अनुरागच्या साखरपुड्याचे फोटो सध्या सोशल मीडियावर व्हायरल होत आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

अभिनेता अनुराग वरळीकर लवकरच जवळची मैत्रिण पायल साळवीसोबत लग्न करणार आहे. नुकताच या कपलचा साखरपुडा पार पडला. या साखरपुड्याला अनुराग आणि पायल यांच्या कुटुंबातील सदस्य आणि जवळच्या मित्र परिवाराने हजेरी लावली. अनुरागने आपल्या अधिकृत इन्स्टाग्राम अकाऊंटवर साखरपुड्यांतील आनंदी क्षण आपल्या चाहत्यांसोबत शेअर केले आहेत.

अनुरागने शेअर केलेल्या साखरपुड्याच्या फोटोंमध्ये तो ब्लॅक अॅण्ड व्हाईट सूटमध्ये दिसत आहे. तर त्याची होणारी पत्नी पायलने ब्लॅक कलरचा गाऊन परिधान केला आहे. दोघेही या फोटोंमध्ये खूपच क्युट दिसत आहे. अनुरागने हे फोटो शेअर करत कॅप्शनमध्ये 'Here's to an endless adventure' असं लिहिलं आहे. अनुरागच्या या पोस्टवर कमेंट्स करत चाहत्यांनी त्याच्यावर शुभेच्छांचा वर्षाव केला आहे.

अनुराग वरळीकरने 'देवकी' चित्रपटात बालकाराच्या भूमिकेतून आपल्या फिल्मी करिअरची सुरूवात केली होती. अनुरागने आतापर्यंत 'पोर बाजार', 'मिशन चॅम्पियन', 'निवडुंग' आणि 'बारायण' या चित्रपटांमध्ये काम केले आहे. चित्रपटच नाही तर मालिकांमध्ये देखील अनुरागने काम केले आहे. 'दे धमाल' या मालिकेमध्ये त्याने बालकलाकाराची जबरदस्त भूमिका साकारली होती. याच मालिकेच्या माध्यमातून तो घराघरामध्ये पोहचला. तर काही दिवसांपूर्वी अनुरागने 'डॉक्टर डॉन' या मालिकेत काम केले होते.