Gayatri Datar Wedding: 'तुला पाहते रे' फेम गायत्री दातार अडकली लग्नबंधनात! थाटामाटात पार पडला विवाहसोहळा, VIDEO व्हायरल

Gayatri Datar Wedding: मराठी मनोरंजनविश्वातील लोकप्रिय अभिनेत्री गायत्री दातार सध्या तिच्या आयुष्यातील खास क्षणामुळे चर्चेत आहेत. ‘तुला पाहते रे’ या मालिकेतून घराघरात पोहोचलेल्या गायत्रीने तिचा बॉयफ्रेंड श्रीकांत चौरे याच्यासोबत विवाहबंधनात अडकत नव्या आयुष्याची सुरुवात केली आहे.

हा विवाहसोहळा २६ एप्रिल २०२६ रोजी अतिशय खास आणि थाटामाटात पार पडला. या समारंभात जवळचे नातेवाईक, मित्रपरिवार आणि काही खास सेलिब्रिटी उपस्थित होते. पारंपरिक पद्धतीने झालेल्या या लग्नात गायत्रीने लाल रंगाची नऊवारी साडीमध्ये अत्यंत सुंदर लूक साकारला होता, तर श्रीकांतने शेरवानी परिधान करत नवऱ्याचा देखणा अंदाज दाखवला. हा व्हिडिओ राजश्री मराठीने पोस्ट केला आहे.

लग्नापूर्वीचे सर्व विधी देखील मोठ्या उत्साहात पार पडले होते. मेहेंदी, ग्रहमुख यांसारख्या कार्यक्रमांचे फोटो आणि व्हिडीओ सोशल मीडियावर मोठ्या प्रमाणात व्हायरल झाले होते. त्यानंतर त्यांची हळद आणि लग्नविवाह खासगी पद्धतीने पण मोठ्या थाटामाटात पार पडलं.

गायत्री आणि श्रीकांत यांची लव्हस्टोरीही तितकीच खास आहे. दोघांची भेट एका डेटिंग अ‍ॅपवर झाली होती. सुरुवातीला साध्या ओळखीपासून सुरू झालेलं हे नातं हळूहळू मैत्रीत आणि नंतर प्रेमात बदललं. जवळपास दीड वर्षांच्या रिलेशनशिपनंतर त्यांनी लग्नाचा निर्णय घेतला.

गायत्री दातारने ‘तुला पाहते रे’ या मालिकेत ‘ईशा’ ही भूमिका साकारून प्रेक्षकांच्या मनात खास स्थान निर्माण केलं. त्यानंतर ती ‘बिग बॉस मराठी’मध्येही झळकली. आता तिच्या आयुष्यातील या नव्या टप्प्यामुळे चाहत्यांमध्ये आनंदाचं वातावरण आहे.