Urfi Javed: उर्फीच्या फॅशनला वैतागून पोलिस अधिकाऱ्यांची पोलिसात तक्रार…

Urfi Javed: अभिनेत्री उर्फी जावेद सोशल मीडियावर बरीच चर्चेत आहे. तिच्या फॅशन सेन्समुळे ती नेटकऱ्यांकडून ट्रोल होते. तिच्या कपड्यांची चर्चा ही सोशल मीडियावर होणे काही नवीन नाही. उर्फी आपल्या दिलखेचक अदांनी सोशल मीडियावर नेहमीच नेटकऱ्यांना भूरळ घालण्याचा प्रयत्न करते.

उर्फीला गेल्या काही दिवसांपुर्वी हिंदुस्थानी भाऊ उर्फ विकास फाटकने बरेच ट्रोल केले होते. यांच्यामध्ये बरेच दिवस ट्रोलिंगचे युद्ध सुरु होते. नुकतेच सार्वजनिक ठिकाणी आणि सोशल मीडियावर बेकायदेशीर आणि अश्लील कृत्ये केल्याबद्दल सोशल मीडिया इन्फ्लुएंसर उर्फी जावेद विरुद्ध एका पोलिस अधिकाऱ्याने रविवारी लेखी तक्रार दाखल केली आहे.

वकील अली काशिफ खान देशमुख यांनी शुक्रवारी अंधेरी पोलिस ठाण्यात लेखी अर्ज सादर केला असल्याचेही सांगण्यात आले होते. तिच्यावर बऱ्याचदा पोलिस स्थानकात तक्रार दाखल करण्यात आली असली तरी तिच्या वागण्यात कोणताच बदल झालेला दिसत नाही. ती नेहमी प्रमाणेच आपल्या खास अंदाजातील स्टाईल करत आहे.

उर्फी या आधी बिग बॉस ओटीटीवर सहभागी झाली होती. तेव्हापासून ती नेहमीच सोशल मीडियावर प्रकाश झोतात कायम आहे. सोबतच गेल्या काही दिवसांपूर्वी उर्फी एका गाण्यातून प्रेक्षकांच्या भेटीला आली होती. त्यात ती डान्स करताना चांगलीच धडपडली होती. त्यामुळे ही ती बरीच ट्रोल झाली होती. उर्फीने आतापर्यंत काचेच्या तुकडे, झाडांची पाने, फुल तर कधी सीडीच्या तुकड्यांनी आपली फॅशन करते.