The Kapil Sharma Show Producer Called Krushna Abhishek: गोविंदाचा भाचा आणि कॉमेडियन कृष्णा अभिषेक सध्या चर्चेत आहे. गेल्या काही दिवसांपासून कृष्णा पुन्हा एकदा कपिल शर्माच्या शोमध्ये कमबॅक करणार असल्याच्या चर्चा सुरू झाली आहे. तर दुसरीकडे जूनमध्ये शो बंद होणार असल्याच्या बोलले जात असताना 10 दिवसांपूर्वी निर्मात्यांनी कृष्णाशी संपर्क साधला होता.
बॉम्बे टाइम्सला नुकत्याच दिलेल्या एका मुलाखतीत, कृष्णा अभिषेकने सांगितले की होय, त्याला नुकताच कपिल शर्मा शोच्या निर्मात्यांकडून कॉल आला होता.
कृष्णाने शोमध्ये परतावे अशी त्यांची इच्छा आहे. निर्मात्यांशी पैशाच्या वादामुळे कृष्णा शोमधून बाहेर पडला होता. मात्र, पैसे आणि करारामुळे यावेळीही या चर्चेवर तोडगा निघाला नाही. (Latest Entertainment News)
पुढे कृष्णाने सांगितले की, प्रकरण पुन्हा पैशावर येऊन अडकले आहे. या सीझनमध्ये पुन्हा येणे त्याच्यासाठी कठीण असल्याचे कृष्णाचे म्हणणे आहे. पण, पुढच्या सीझनमध्ये तो परतेल आणि कपिल आणि कृष्णा पुन्हा एकदा प्रेक्षकांसाठी एक मेजवानी घेऊन येतील, अशी अपेक्षा आहे.
शोमधील कृष्णाची सपनाची व्यक्तिरेखा चाहत्यांना खूप आवडली होती. सपनाचे मसाज पार्लर होते. या मसाज पार्लरमध्ये तो विविध प्रकारचे मसाज करायचा. त्या मसाजची नावं ऐकून सगळ्यांचा हसू अगदी अनावर व्हायचं. पुन्हा एकदा त्याच्या पुनरागमनाच्या बातमीने त्याच्या चाहत्यांना नक्कीच आनंद झाला आहे.
कृष्णा गोविंदाचा भाचा असल्याने त्याला कलाकारांशी सहज कनेक्ट होता येत. त्यामुळे त्याच्या बोलण्याचा आणि वागण्याचा कोणाला राग देखील येऊ शकत नाही. त्याची कॉमेडी अप्रतिम आहेस. त्यामुळे कृष्णा या शोचा महत्त्वाचा भाग असल्याचे अनेकांना वाटते.
दरम्यान, द कपिल शर्माचा शो यावर्षी जूनमध्ये बंद होणार असल्याची बातमी आहे. मात्र, याबाबतही कोणतीही अधिकृत घोषणा करण्यात आलेली नाही. कृष्णाने बोलताना याविषयावर त्यांनी देखील प्रतिक्रिया दिली. कृष्णा म्हणाला की, मला याबाबत कोणतीही माहिती नाही. मला शो आणि निर्माते खूप जवळचे आहेत. तसेच मी अर्चना पूरण सिंगसोबतही अनेक वर्षांपासून काम गेले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
