Krantijyoti Vidyalay Collection : 'क्रांतीज्योती विद्यालय...' बॉक्स ऑफिसवर सुसाट, अमेय वाघच्या चित्रपटानं आठवड्याभरात कमावले तब्बल 'इतके' कोटी

सध्या हेमंत ढोमे दिग्दर्शित 'क्रांतिज्योती विद्यालय मराठी माध्यम' चित्रपटाची सोशल मीडियावर तुफान चर्चा पाहायला मिळत आहे. या चित्रपटाने प्रेक्षकांच्या मनात खूप कमी वेळात घर केले आहे. चित्रपटाने पहिल्या आठवड्यात बंपर कमाई केली आहे. हा चित्रपट 1 जानेवारी 2026ला रिलीज झाला. आता सिनेमा प्रदर्शित होऊन 9 दिवस झाले आहेत. या चित्रपटात मराठी शाळा आणि मराठी भाषेबद्दलचे मत, विचार मांडले आहेत. ज्यामुळे चित्रपटाने महाराष्ट्रातील प्रेक्षकांचे भरपूर प्रेम मिळवले आहे.

'क्रांतिज्योती विद्यालय मराठी माध्यम' बॉक्स ऑफिस कलेक्शन

मीडिया रिपोर्टनुसार, 'क्रांतिज्योती विद्यालय मराठी माध्यम' चित्रपटाने पहिल्या आठवड्यात तब्बल 6.14 कोटींची कमाई केली आहे. चित्रपट रिलीजच्या दुसऱ्या वीकेंडला किती कोटी कमाई करतो हे पाहणे महत्त्वाचे ठरणार आहे.

चित्रपटातील कलाकार

'क्रांतिज्योती विद्यालय मराठी माध्यम' चित्रपटात तगडे कलाकार पाहायला मिळत आहेत. यात सचिन खेडेकर, अमेय वाघ, सिद्धार्थ चांदेकर, पुष्कराज चिरपुटकर, हरीश दुधाडे, कादंबरी कदम, क्षिती जोग, निर्मिती सावंत आणि प्राजक्ता कोळी हे झळकले आहेत. चित्रपटातील 'स्वर्गात आकाशगंगा' हे गाणे सोशल मीडियावर प्रचंड गाजत आहे.

हेमंत ढोमे याने आजवर अनेक सुपरहिट चित्रपट केले आहेत. यात फसक्लास दाभाडे, झिम्मा 2, झिम्मा यांचा समावेश आहे. 'क्रांतिज्योती विद्यालय मराठी माध्यम' हा चित्रपट मुख्यतः मराठी शाळा, मातृभाषेतील शिक्षण आणि सामाजिक भावना यावर आधारित आहे.