Kiara Adwani Look: कियाराच्या कपड्यांची नाही तर साध्या स्कार्फची झाली चर्चा, एवढं काय आहे 'त्या' स्कार्फमध्ये?

Sidharth Malhotra- Kiara Advani Wedding: कियारा अडवानी आणि सिद्धार्थ मल्होत्रा या दोघांच्याही लग्नाची गेल्या अनेक दिवसांपासून चर्चा सुरु आहे. दोघांचेही फोटो सोशल मीडियावर बरेच व्हायरल होत असून कियारा जैसलमेरला जाताना विमानतळावर दिसली. यावेळी कियाराच्या ड्रेसने नाहीतर तिच्या एका स्कार्फने सर्वांचेच लक्ष वेधले. तिच्या त्या स्कार्फच्या किंमतीची सध्या बरीच सर्वत्र चर्चा होत आहे.

कियाराच्या गुलाबी रंगाच्या या स्कार्फने फक्त पापाराझींचेच लक्ष वेधले नाही तर युजर्सचेही लक्ष वेधले. तिच्या सोबत यावेळी फॅशन डिझायनर मनिष मल्होत्राने देखील हजेरी लावली होती. साध्या पांढऱ्या ड्रेससह कियाराच्या गुलाबी स्कार्फने नेटकऱ्यांचे लक्ष वेधले, मात्र आता त्या स्कार्फची ​​किंमत पाहून सर्वांनाच आश्चर्याचा धक्का बसला आहे.

कियाराने लॉंग व्हाईट टॉप आणि पँट घातली होती. सोबतच हेमीजचा एक गुलाबी स्कार्फ घेत कॅमेऱ्यात कैद झाली. सोबतच तिच्या लूकने आणि सनग्लासेसने सर्वांचेच लक्ष वेधले. कियाराच्या या स्कार्फची किंमत तब्बल ८६ हजार इतकी आहे.

सिद्धार्थ आणि कियाराच्या लग्नामध्ये बॉलिवूडमधील अनेक दिग्गज मंडळींनी हजेरी लावली आहे. शाहिद कपूरची पत्नी मीरा राजपूत, ईशा अंबानी, आनंद परिमल, आरती शेट्टी आणि करण जोहरसोबत जैसलमेरला जाताना दिसले.

जैसलमेरमधील सूर्यगढ पॅलेसमध्ये जाताना सिद्धार्थची आई, वडील, भाऊ आणि वहिनी विमानतळावर दिसले. जेव्हा विमानतळावर पापाराझींनी अभिनेत्याची आई रिम्मा यांना विचारले की 'सुनेच्या स्वागतासाठी किती उत्साहित आहेत?'तर त्या म्हणतात, "खूप उत्साही आहे."

जेव्हा पापाराझीने लग्न समारंभाबद्दल विचारले तेव्हा त्या म्हणतात, "मी तुम्हाला कळवते. धन्यवाद." सिद्धार्थचा भाऊ हर्षद मल्होत्राला सिड-कियाराच्या लग्नाबद्दल विचारण्यात आले, तेव्हा ते म्हणतात, "आम्ही सर्व उत्साहित आहोत."

'शेरशाह' चित्रपटात सिद्धार्थ मल्होत्रा ​​आणि कियारा अडवाणी एकत्र दिसले होते, या चित्रपटादरम्यान ते एकत्र दिसल्यानंतर त्यांच्या अफेअरच्या बातम्या व्हायरल होऊ लागले. सिद्धार्थ आणि कियारा ७ फेब्रुवारीला लग्नबंधनात अडकणार आहेत.