Famous Director Son Death : प्रसिद्ध दिग्दर्शकाच्या ४ वर्षांच्या मुलाचा दुर्दैवी मृत्यू, लिफ्टमध्ये अडकला अन्...

मनोरंजन सृष्टीतून धक्कादायक बातमी समोर आली आहे. प्रसिद्ध दिग्दर्शकाच्या लहान मुलाचे निधन झाले आहे. 'केजीएफ' चे सह दिग्दर्शक किर्तन नाडागौडा (Kirtan Nadagouda) यांच्या कुटुंबावर दुःखाचा डोंगर कोसळला आहे. किर्तन नाडागौडा यांच्या साडेचार वर्षांच्या लहान मुलाचा लिफ्टमध्ये अडकून दुर्दैवी मृत्यू झाला आहे. नेमकं झालं काय, जाणून घेऊयात.

मीडिया रिपोर्टनुसार, किर्तन नाडागौडा यांच्या मुलांचे नाव सोनार्श (Sonarsh Nadagouda ) असे होते. किर्तन नाडागौडाच्या निधनाची बातमी ऐकताच मनोरंजनसृष्टीतून आणि राजकीय क्षेत्रातून शोक व्यक्त करण्यात येत आहे. आंध्रप्रदेशचे उपमुख्यमंत्री पवन कल्याण यांनी देखील सोशल मीडियावर पोस्ट करून शोक व्यक्त केला आहे.

किर्तन नाडागौडा यांच्या जवळच्या नातेवाईकांनी सोनार्शला प्रेमळ आणि उत्साही मुलगा म्हटले आहे. मीडिया रिपोर्टनुसार, ही घटना हैदराबादमध्ये घडली. चिमुकला सोनार्श खेळता खेळता एकटाच लिफ्टमध्ये गेला. तेव्हा तो लिफ्टमध्ये अडकला. त्याला गंभीर दुखापत झाली. त्यानंतर त्याला हॉस्पिटलमध्ये दाखल करण्यात आले. मात्र या भीषण अपघातात मुलांचा मृत्यू झाला.

किर्तन नाडागौडा हे कन्नड चित्रपटसृष्टीतील प्रसिद्ध नाव आहे. त्यांनी अनेक सुपरहिट चित्रपट केले आहे. त्यांचा 'सलार' चित्रपट देखील सुपरहिट झाला. सोनार्शच्या अशा अचानक जाण्याने आई-वडीलांना मोठा धक्का बसला आहे.