Kapil Sharma New Look: कपिल शर्माच्या नवीन लूकनं वेधलं चाहत्यांचं लक्ष, नेटकऱ्यांनी कमेंट्स करत उडवली खिल्ली

Kapil Sharma New Movie New Look:

अभिनेता आणि कॉमेडियन कपिल शर्माने त्याच्या घरी गणपती बाप्पाचं मोठ्या थाटात स्वागत केलं होतं. कपिल शर्माचा लाल रंगाचा बाप्पा खूप गोड दिसत होता. विसर्जनाच्या दिवशी कपिल शर्मा आणि त्याच्या कुटुंबीयांनी बाप्पाला मॅचिंग असे लाल रंगाचे कपडे घातले होते.

गणपतीच्या विसर्जनानंतर कपिल शर्मा कामाला लागला आहे. कपिल शर्माने त्याच्या कामाचे अपडेट देणारा व्हिडीओ सोशल मीडियावर शेअर केला आहे. या व्हिडीओमध्ये कपिलने त्याचा लूक चेंज केल्याचे दिसत आहे.

कपिल शर्माने सोशल मीडियावर त्याच्या नवीन लूकचा व्हिडीओ शेअर केला आहे. या व्हिडीओमध्ये कपिल शर्मा त्याची दाढी करताना दिसत आहे. तर दाढी करताना कपिल त्याच्या हेअर ड्रेसरला 'मी कसा दिसतोय' असं विचारतो. यावर त्याच्या हेअर ड्रेसरला म्हणतो की, 'तुम्ही एकदम इटालियन दिसताय.'

कपिल त्या हेअर ड्रेसरला 'तू इटलीला कधी गेला आहेस का?' असं विचारतो. त्यावर हेअर ड्रेसर म्हणतो की, 'नाही, पण 'हाऊसफुल' चित्रपटामध्ये पाहिलं आहे.' त्यानंतर कपिल नेटकऱ्यांना विचारतो, 'मी कोणत्या देशातील दिसत आहे?' (Celebrity)

कपिल शर्माच्या या पोस्टवर अनेक कमेंट येत आहेत. कोणी कपिलला डाकूंचा सरदार म्हणत आहे, तर कोणी त्याला हनी सिंगसारखा दिसत असल्याचे म्हणत आहे. तर काही नेटकरी 'हाऊसफुल'चा नेक्स्ट सीजन येणार आहे का? असे विचारत आहेत.

कपिल शर्मा गेले काही दिवसात US आणि दुबईच्या ट्रिप होता. या देशात त्याचे लाईव्ह शो आयोजित करण्यात आले होते. गणेश चतुर्थीच्या आधीच कपिल शर्मा बंगळुरूहून त्याच्या घरी परतला. सध्या कपिल शर्मा शो आणि चित्रपटाच्या शूटिंगमध्ये बिजी आहे. (Latest Entertainment News)