बिग बॉस मराठी विजेता सूरज चव्हाण कायमच चर्चेत आहे. नुकतंच सूरज चव्हाणला बिग बॉसच्या घरातील स्पर्धक जान्हवी किल्लेकर भेटली आहे. सोशल मीडियावर याचे फोटो शेअर झाले आहेत.
सूरज चव्हाणने त्यांच्या अधिकृत इन्स्टाग्रामवर जान्हवीसोबतचे सुंदर फोटो शेअर केले आहेत. फोटोंना त्याने लाडकी माझी ताई असे कॅप्शन दिलं आहे. जान्हवी मराठमोळ्या अंदाजात पिवळ्या रंगाच्या साडीमध्ये दिसत आहे. तर सूरजने निळा रंगाचा शर्ट परिधान केला आहे. बिग बॉसच्या प्रवासानंतर आता पुन्हा भेटल्याने दोघांच्याही गालावर हसू उमललं आहे. सोशल मीडियावर या दोघांचे फोटो सध्या तुफान व्हायरल झाले आहेत.
सूरज चव्हाणने शेअर केलेल्या फोटोंवर नेटकऱ्यांनी अनेक प्रतिक्रिया दिल्या आहेत. अभिनंदन सूरज, बहीण भाऊ जोडी एक नंबर तर आणखी एकाने, दोघांना एकत्र पाहून खूप भारी वाटलं हे भावा बहिणीचं नातं आयुष्यभर टिकून राहू दे अश्या प्रतिक्रिया दिल्या आहेत. सूरज चव्हाण बिग बॉस मराठी पाचवा पर्वाचा विजेता ठरला तर जान्हवी किल्लेकर फायनलिस्टपर्यत पोहचली होती.
सध्या सूरज राजाराणी या चित्रपटातून प्रेक्षकांच्या भेटीला आला आहे. भारत गणेशपुरे, सुरेश विश्वकर्मा, माधवी जुवेकर, भक्ती चव्हाण, शिवाजी दोलताडे, तानाजी गालगुंडे यांच्याही या सिनेमात भूमिका आहेत. तसेच केदार शिंदे यांनी सूरजवर ‘झापूक झुपूक’ नावाचा सिनेमा काढण्याची घोषणा केली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
