बॉलिवूड अभिनेत्री जॅकलिन फर्नांडिस राहत असलेल्या इमारतीला भीषण आग लागली होती. या घटनेचा व्हिडीओ देखील समोर आला आहे. घटनेची माहिती मिळताच अग्निशमन दलाचे जवान घटनास्थळी दाखल झाले. त्यानंतर काही वेळात अग्निशमन दलाने आगीवर नियंत्रण मिळवलं आहे.
जॅकलिन फर्नांडिसच्या इमारतीला आग लागल्याची बातमी वेगाने व्हायरल झाली. त्यानंतर अभिनेत्रीच्या चाहत्यांनी सोशल मीडियावर चिंता देखील व्यक्त केली. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
मिळालेल्या माहितीनुसार, वांद्रे पश्चिम येथील पाली हिल येथील नवरोज हिल सोसायटीमध्ये जॅकलिन फर्नांडिस राहते. याच इमारतील बुधवारी रात्री आग लागली होती. आगीची माहिती मिळताच अग्निशमन दलाच्या चार गाड्या, तीन जंबो टँकर आणि एक ब्रीदिंग व्हॅन तातडीने रवाना करण्यात आले. सुदैवाने या घटनेत कुणालीही इजा झालेली नाही. इमारतीच्या 13व्या मजल्यावरील स्वयंपाकघराली ही आग लागली होती. (Latest Political News)
जॅकलीन फर्नांडिस या इमारतीतील आलिशान 5 बीएचके फ्लॅटमध्ये राहते. जॅकलीनने गेल्या वर्षी मुंबईतील वांद्रे पश्चिम येथील पाली हिलच्या आलिशान परिसरात हा फ्लॅट खरेदी केला होता. या इमारतीमध्ये सुट, द पेंटहाऊस, स्काय व्हिला आणि मॅन्शन असे पर्याय आहेत.
जॅकलीन लवकरच अक्षय कुमारसोबत 'वेलकम टू द जंगल' या चित्रपटात दिसणार आहे. याचे दिग्दर्शन अहमद खान करत आहेत. अक्षय कुमार आणि जॅकलिन फर्नांडिस व्यतिरिक्त रवीना टंडन, दिशा पटानी, अर्शद वारसी, श्रेयस तळपदे, संजय दत्त, तुषार कपूर, राजपाल यादव, परेश रावल, सुनील शेट्टी आणि लारा दत्ता असे अनेक कलाकार या चित्रपटात एकत्र दिसणार आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.