The Royals: 'एक था राजा एक थी...'; भुमी पेडणेकर आणि ईशान खट्टरची 'द रॉयल्स' लव्हस्टोरी

The Royals: लवकरच नेटफ्लिक्सवर 'द रॉयल्स' ही नवीन रोमँटिक कॉमेडी वेब सिरीज प्रदर्शित होणार आहे. या मालिकेत भुमी पेडणेकर आणि ईशान खट्टर प्रमुख भूमिकेत आहेत. ही कथा एका जुन्या राजघराण्याच्या राजकुमाराची आणि एका मॉर्डन बिझनेसवूमनची आहे, ज्यांची अनपेक्षित भेटीमुळे एका प्रेमकथेची सुरुवात होते.

ईशान खट्टर या सिरीजमध्ये एका राजकुमाराची भूमिका साकारत असून, भुमी पेडणेकर एक स्वतंत्र आणि आत्मनिर्भर मॉर्डन बिझनेसवूमन म्हणून दिसणार आहेत. ही जोडी पहिल्यांदाच एकत्र काम करत आहे, त्यामुळे प्रेक्षकांमध्ये उत्सुकता आहे. या सिरीजचे चित्रीकरण उदयपूरच्या सिटी पॅलेससारख्या भव्य ठिकाणी झाले आहे, त्यामुळे सिरीजला एक शाही लुक मिळाला आहे.

'द रॉयल्स' ही सिरीज प्रितीश नंदी कम्युनिकेशन्सने तयार केली असून, रंगिता आणि इशिता प्रितीश नंदी यांनी त्याची निर्मिती केली आहे. या मालिकेत साक्षी तन्वर, झीनत अमान, नोरा फतेही, चंकी पांडे, लिसा मिश्रा आणि विहान समत यांसारखे कलाकारही महत्त्वाच्या भूमिका साकारत आहेत.

ही सिरीज एक रॉयल लव्हस्टोरी असून, त्यात जुन्या राजघराण्याची परंपरा आणि मॉर्डन बिझनेसवूमनची महत्वाकांक्षा दाखवण्यात आली आहे. या मालिकेत रोमँस, विनोद आणि नाट्य यांचा सुंदर संगम आहे. 'द रॉयल्स' ही मालिका ९ मेपासून नेटफ्लिक्सवर पाहता येईल.