मुंबई : बॉलिवूडचा प्रसिद्ध अभिनेता हृतिक रोशन(Hrithik Roshan) आणि अभिनेता सैफ अली खानच्या(Saif ali Khan) 'विक्रम वेधा'(VikramVedha) या चित्रपटाची झलक पाहिल्यानंतर चाहत्यांमध्ये या चित्रपटाची प्रचंड उत्सुकता आहे. या चित्रपटाच्या रंजक कथेमुळे चाहत्यांना चित्रपटाची वाट पाहण्यास भाग पाडले आहे. त्याचबरोबर सैफसह प्रेक्षकांचा आवडता सुपरस्टार हृतिक रोशनला या चित्रपटात पाहण्यासाठी चाहते खूप उत्सुक आहेत. नुकताच प्रदर्शित झालेल्या 'विक्रम वेधा' या चित्रपटाच्या टीझरला प्रेक्षकांचा उदंड प्रतिसाद मिळत असून त्यानंतर तो सर्वाधिक पसंतीचा हिंदी चित्रपटाचा टीझर म्हणून समोर आला आहे.
या टीझरमध्ये हृतिक रोशन आणि सैफ अली खानच्या लूकची आणि ऑनस्क्रीन पात्रांची झलक पाहायला मिळते. या चित्रपटात हृतिकच्या 'वेधा' या व्यक्तिरेखेबद्दल अनेक अटकळी समोर येत आहेत. असे बोलले जात आहे की, हृतिक रोशन या चित्रपटात तीन वेगवेगळ्या लूकमध्ये दिसणार आहे. याशिवाय 'विक्रम वेधा' हा हृतिक रोशनच्या करिअरमधील खूप महत्वाचा चित्रपट आहे कारण हा त्याचा २५ वा चित्रपट आहे.
'विक्रम वेधा'चा प्रवास आणि बॅकस्टोरी या चित्रपटात दाखवेल आहे. यासाठी हृतिक या चित्रपटात ३ वेगवेगळ्या भूमिकेतमध्ये दिसणार आहे. ट्रेलरमध्ये 'विक्रम वेधा'च्या अनेक झलक पाहायला मिळाल्या. हृतिक रोशन हा अष्टपैलू अभिनेत्यांपैकी एक म्हणून ओळखला जातो, जो प्रत्येक चित्रपटासोबत त्याच्या प्रेक्षकांसाठी एक व्हिज्युअल ट्रीट आणतो.
'विक्रम वेधा' हे गुलशन कुमारच्या टी-सीरीज आणि रिलायन्स एंटरटेनमेंट, फ्रायडे फिल्मवर्क्स आणि जिओ स्टुडिओ तसेच वाय नॉट स्टुडिओ प्रॉडक्शनच्या बनर खाली तयार झालेला चित्रपट आहे. पुष्कर आणि गायत्री दिग्दर्शित, भूषण कुमार आणि एस शशिकांत निर्मित 'विक्रम वेधा' चित्रपट ३० सप्टेंबर २०२२ रोजी चित्रपटगृहात प्रदार्षित होणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.