Housefull 5 Box Office Collection : 'हाऊसफुल 5' बॉक्स ऑफिसवर सुसाट, अक्षय कुमारच्या चित्रपटानं पार केला ५० कोटींचा टप्पा

बहुप्रतिक्षित चित्रपट 'हाऊसफुल 5' (Housefull 5) 6 जूनला थिएटरमध्ये रिलीज झाला आहे. 'हाऊसफुल 5' चित्रपट त्याच्या वेगवेगळ्या आणि धमाकेदार क्लायमॅक्समुळे चांगला चर्चेत आहे. याची कौतुक प्रेक्षक वर्ग देखील मोठ्या प्रमाणात करत आहे. 'हाऊसफुल 5'ची निर्मिती साजिद नाडियादवाला यांनी केली आहे. तर चित्रपटाचे दिग्दर्शन तरुण मनसुखानी यांनी केले आहे. 'हाऊसफुल 5' चे दुसऱ्या दिवसाचे कलेक्शन जाणून घेऊयात.

'हाऊसफुल 5' बॉक्स ऑफिसवर कलेक्शन दिवस 2

• दिवस पहिला - 24 कोटी रुपये

• दिवस दुसरा - 30 कोटी रुपये

• एकूण - 54 कोटी रुपये.

मीडिया रिपोर्टनुसार, 'हाऊसफुल 5' ने पहिल्या दिवशी भारतात 24 कोटी आणि जगभरात 40 कोटी रुपयांची कमाई केली. पहिल्या शनिवारी चित्रपटाने अंदाजे 30 कोटी रुपयांची कमाई केली, ज्यामुळे आतापर्यंत चित्रपटाचे एकूण कलेक्शन अंदाजे 54 कोटी रुपयांच्यावर झाले आहे. आता 'हाऊसफुल 5' चित्रपट रविवारी किती रुपयांचे कलेक्शन करतो, हे पाहणे महत्त्वाचे ठरणार आहे.

'हाऊसफुल 5' स्टारकास्ट

'हाऊसफुल 5'मध्ये बॉलिवूडचे अनेक कलाकार मंडळी पाहायला मिळत आहे. त्यांनी आपल्या कॉमेडीने प्रेक्षकांना खळखळून हसवले आहे. या चित्रपटात अक्षय कुमार, रितेश देशमुख ,अभिषेक बच्चन हे त्रिकूट पाहायला मिळत आहे. तर जॅकलीन फर्नांडिस, नर्गिस फाखरी यांचा ग्लॅमरस अंदाज चित्रपटात पाहायला मिळत आहे. या चित्रपटात मराठी अभिनेते नाना पाटेकर आणि श्रेयस तळपदे यांचा देखील समावेश आहे. तसेच संजय दत्त , फरदीन खान आणि जॅकी श्रॉफ देखील चित्रपटाचा भाग आहे. प्रेक्षक त्यांच्या अभिनयाचे कौतुक करत आहे.

'हाऊसफुल'

'हाऊसफुल 5' हा 'हाऊसफुल' फ्रँचायझीचा 5 वा भाग आहे. 'हाऊसफुल 5'मध्ये कॉमेडी आणि ॲक्शन पाहायला मिळत आहे. याआधी रिलीज झालेले 'हाऊसफुल' चे 4 ही भाग सुपरहिट झाले. आता 'हाऊसफुल 5' बॉक्स ऑफिसवर धुमाकूळ घालत आहे.

'हाऊसफुल 5' ओटीटी अपडेट

मीडिया रिपोर्टनुसार, 'हाऊसफुल 5' चित्रपटाचे बजेट 225 कोटी रुपये आहे. चित्रपटाच्या रिलीजच्या दोन दिवसांत चित्रपटाने 50 कोटींचे कलेक्शन केले आहे. लवकरच 'हाऊसफुल 5' आपले बजेट देखील वसूल करेल. 'हाऊसफुल 5' चित्रपट अमेझॉन प्राइम व्हिडिओ या ओटीटी प्लॅटफॉर्मवर पाहता येणार आहे.