आज भारताचा ७८ वा स्वातंत्र्यदिन देशभरामध्ये मोठ्या उत्साहात साजरा केला जात आहे. संपूर्ण देशभरात देशभक्तीचं वातावरण पाहायला मिळत आहे. याचनिमित्ताने सिनेसृष्टीतील अनेक मराठमोळ्या कलाकारांनी सोशल मीडियावर पोस्ट शेअर करत स्वातंत्र्यदिनाच्या शुभेच्छा दिल्या आहेत.
अभिनेत्री सोनाली कुलकर्णीने लेह- लडाखमध्ये स्वातंत्र्यदिन साजरा केला. सोनालीने सोशल मीडियावर पोस्ट शेअर करत 'हर घर तिरंगा' म्हणत सर्वांना स्वातंत्र्यदिनाच्या शुभेच्छा दिल्या. अत्यंत हटके स्टाईलमध्ये सोनालीने बाईकला तिरंगा लावून फोटो शेअर केले आहेत.
'७८ व्या भारतीय स्वातंत्र्यदिनाच्या सर्वांना मनःपूर्वक शुभेच्छा स्वातंत्र्यदिन चिरायू होवो.', अशी पोस्ट अभिनेत्री प्राजक्ता माळीने केली आहे.
मराठमोळी अभिनेत्री अमृता खानविलकरने 'माँ तुझे सलाम' या देशभक्ती गाण्यावर डान्स करत चाहत्यांना स्वातंत्र्यदिनाच्या शुभेच्छा दिल्या आहेत. तिरंगा रंगाचा खास ड्रेस तिने परिधान केला आहे. तिच्या डान्सचे कौतुक केले जात आहे.
अभिनेत्री पूजा सांवतने चाहत्यांना स्वातंत्र्यदिनाच्या शुभेच्छा दिल्या आहेत. पूजाने पांढऱ्या रंगाच्या ड्रेसवरील काही फोटो सोशल मीडियावर शेअर केले आहेत. हे फोटो व्हायरल होत आहेत.
भारतीय स्वातंत्र्य दिनाच्या मनःपूर्वक शुभेच्छा. जय हिंद!', अशी पोस्ट करून सुबोध भावेनं स्वातंत्र्यदिनाच्या शुभेच्छा दिल्यात. अभिनेता प्रसाद ओकने '१५ ऑगस्ट स्वातंत्र्य दिन चिरायू होवो... जय हिंद...!!' अशी पोस्ट शेअर केली आहे.
