Veena Played Pappani Ganpati Aanla: वीणा वाजवत गायलं ‘आमच्या पप्पांनी गणपती आणला...’ गाणं; मंत्रमुग्ध करणारे सूर एकदा ऐकाच...

Veena Played Pappani Ganpati Aanla Viral Video

यंदाच्या गणेशोत्सवात ‘आमच्या पप्पांनी गणपती आणला...’ या गाण्याला फार चांगला प्रतिसाद मिळाला. हे गाणं आपल्याला अनेकांच्या घरी, अनेक गणेशोत्सव मंडळांमध्ये ऐकायला मिळत होतं.

गणेशोत्सवाच्या काही दिवस आधी साईराज केंद्रे या मुलाने सोशल मीडियावर एक व्हिडीओ बनवला काही क्षणात त्याचा व्हिडीओ व्हायरल झाला होता. त्याला सोशल मीडियावर युजर्सकडून चांगला प्रतिसाद देखील मिळाला होता. अशातच सध्या सोशल मीडियावर ‘आमच्या पप्पांनी गणपती आणला...’ या गाण्यावर एका मुलीने विणा वाजवत सादरीकरण केलं आहे.

गणेशोत्सवानंतर सुद्धा गाण्याची प्रचंड क्रेझ पाहायला मिळतेय. साईराज केंद्रेनंतर एका मुलीने अनोखे एक्सप्रेशन देत विणा वाजवून गाण्याचे सादरीकरण केले. त्या मुलीने सादर केलेलं हे गाणं ऐकून तुम्हीही चकीत व्हाल. नेटकऱ्यांना त्या मुलीने सादर केलेले गाणे फारच भावलेय. हा व्हिडीओ ‘veenasrivani_official’ या सोशल मीडिया अकाऊंटवरुन शेअर करण्यात आला आहे. तिने दिलेल्या हावभावाची सोशल मीडियावर चर्चा होतेय.

गाण्याविषयी सांगायचे तर, ‘आमच्या पप्पांनी गणपती आणला…’ हे गाणं गेल्यावर्षी प्रदर्शित झालं आहे. माऊली प्रॉडक्शनकडून हे गाणं प्रदर्शित करण्यात आलं आहे. गाण्याला प्रचंड व्ह्यूज मिळाले आहेत. माऊली घोरपडे आणि शौर्या घोरपडे या दोन चिमुकल्यांनी हे गाणं गायलं आहे. अजूनही या गाण्याची नेटकऱ्यांमध्ये प्रचंड क्रेझ पाहायला मिळत आहे. (Social Media)