Rajeshwari Kharat And Somnath Awghade: कशी काय मग जोडी..., 'फ्रँड्री'तील शालू आणि जब्याचा एकत्र फोटो व्हायरल

Rajeshwari Kharat And Somnath Awghade Photo: ११ वर्षांपूर्वी प्रदर्शित झालेल्या या चित्रपातील शालू आणि जब्या या जोडीने सर्वांचे लक्ष वेधून घेतले होते. या चित्रपटात अभिनेत्री राजेश्वरी खरातने शालूची भूमिका तर सोमनाथ अवघडेने जब्याची भूमिका साकारली होती.
Rajeshwari Kharat And Somnath Awghade Photo
Rajeshwari Kharat And Somnath Awghade PhotoSaam Tv

Fandry Movie:

नागराज मंजुळे (Nagraj Manjule) दिग्दर्शित 'फ्रँड्री' चित्रपटाला (Fandry Movie) प्रेक्षकांनी खूप चांगली पसंती दिली. ११ वर्षांपूर्वी प्रदर्शित झालेल्या या चित्रपातील शालू आणि जब्या या जोडीने सर्वांचे लक्ष वेधून घेतले होते. या चित्रपटात अभिनेत्री राजेश्वरी खरातने (Rajeshwari Kharat) शालूची भूमिका तर सोमनाथ अवघडेने (Somnath Awaghade) जब्याची भूमिका साकारली होती. या जोडीला प्रेक्षकांनी भरभरून प्रेम दिले. या चित्रपटानंतर शालू आणि जब्याला एकत्र पाहण्यासाठी त्यांचे चाहते उत्सुक आहेत. अशामध्ये आता शालू आणि जब्याचा एक फोटो सोशल मीडियावर तुफान व्हायरल होत आहे. या फोटोंवर नेटकऱ्यांनी मजेशीर कमेंट्स केल्या आहेत.

राजेश्वरी खरातने आपल्या अधिकृत इन्स्टाग्राम अकाऊंटवर सोमनाथ अवघडेसोबतचा फोटो शेअर केला आहे. फ्रँड्रीमध्ये दिसणारे शालू आणि जब्या आता खूपच मोठे झाले आहेत. जब्याला तर ओळखणं देखील कठीण झाले आहे. शालू आणि जब्याला एकत्र पाहून त्यांचे चाहते आश्चर्यचकीत झाले आहेत. जब्यासोबतचा फोटो शेअर करत राजेश्वरीने त्याला सुंदर कॅप्शन दिले आहे. 'कशी काय मग जोडी...' असे कॅप्शन देत राजेश्वरीने कॅप्शनमध्ये हार्ट इमोजी देखील पोस्ट केला आहे. त्याचसोबत तिने शालू जब्या फॉरेव्हर असा हॅशटॅग देखील वापरला आहे. शालू आणि जब्याच्या या फोटोला नेटकऱ्यांनी चांगली पसंती दिली आहे.

राजेश्वरीच्या या पोस्टवर नेटकऱ्यांनी जबरदस्त कमेंट्स केल्या आहेत. एका नेटकऱ्यांनी फ्रँड्री चित्रपटातील गाणं 'तुझ्या पिरतीचा हा इंचू मला चावला.', अशी कमेंट केली आहे. दुसऱ्या युजरने 'नागराज सरने बनादी जोडी', अशी कमेंट केली आहे. तिसऱ्या युजरने 'काळी चिमणी घावली जब्याला.' अशी कमेंट केली आहे. तर चौथ्या युजरने 'काळया चिमणीची राख भेटली वाटतं जब्याला', अशी कमेंट केली आहे. तर अनेकांनी 'जोडी जबरदस्त', 'परफेक्ट जोडी', अशी कमेंट्स केल्या आहेत.

Rajeshwari Kharat And Somnath Awghade Photo
...आतापर्यंत मी खूप कमी पैसे कमावत होतो, Vijay Deverakonda ने चित्रपटाच्या फीबद्दल केला धक्कादायक खुलासा

दरम्यान, राजेश्वरी खरात आणि सोमनाथ अवघडे यांचा याआधी देखील एक रोमँटिक व्हिडीओ व्हायरल झाला होता. या कपलनेच मागच्या वर्षी आपल्या अधिकृत इन्स्टाग्राम अकाऊंटवर हा व्हिडीओ पोस्ट केला होता. हा व्हिडीओ पोस्ट करत राजेश्वरीने रेड कलरचा हार्ट इमोजी देखील पोस्ट केला होता. यावरून दोघे रिलेशनशीपमध्ये असल्याच्या चर्चा सुरू झाल्या होत्या. आता या कपलचा नुकताच व्हायरल झालेल्या फोटोवरून दोघे खरंच प्रेमात पडले की काय असा प्रश्न चाहत्यांना पडला आहे.

Rajeshwari Kharat And Somnath Awghade Photo
Athiya Shetty Pregnant: खरंच आथिया शेट्टी आणि केएल राहुल आई-बाबा होणार आहे का?, सुनील शेट्टींनी सांगितलं सत्य

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com