Sidharth-Kiara Wedding: बाबो! एवढ्या किंमतीचं आहे कियाराचं मंगळसूत्र

Kiara Advani Jewellery: सिद्धार्थ-कियाराच्या लग्नानंतरही सर्वत्र त्यांचीच चर्चा आहे. या नवविवाहित दांपत्याचे सगळीकडे कौतुक होत आहे. ७ फेब्रुवारीला जैसलमेर येथील सूर्यगड पॅलेसवर कियारा-सिद्धार्थचा शाही विवाहसोहळा पार पडला. जैसलमेरवरून येताना मुंबई विमानतळावर या कपलला पापाराझींनी कॅमेऱ्यात कैद केलं.

पापाराझींना भेटायला आलेल्या सिड-कियाराने यावेळी मात्र कॅमेरासमोर अनेक पोज दिल्या. तसेच त्यांनी पापाराझींना मिठाई देखील वाटली. यावेळी कियाराने लाल रंगाचा ड्रेस घातला होता. भांगेत सिंदूर, हातात चुडा, गळ्यात मंगळसुत्र आणि अगदी सिंपल लूकमध्ये कियाराच्या चेहऱ्यावर नववधूचे तेज दिसत होते.

नववधूच्या या सौंदर्य मंगळसूत्रामुळे अधिकच खुललं होतं. तसेच साऱ्यांच्या नजर देखील तिच्या मंगळसूत्रावर वेधल्या होत्या. कियाराचे मंगळसूत्र सब्यसाची मुखर्जीने डिझाईन केले आहे. कियाराच्या मंगळसूत्राची किंमत २ करोड आहे. २ करोडचे हे मंगळसूत्र खूप सिंपल आहे. सोन्याची चैन, काळे मणी आणि एक मोठा हिरा तिच्या मंगळसूत्रात आहे.

कियाराच्या लग्नाच्या फोटोमध्ये तिची साखरपुड्यातील अंगठी दिसत आहे. कियाराची अंगठी हिऱ्याची आहे. ओव्हल आकाराची कियाराच्या या अंगठीची किंमत देखील करोडो रुपये आहे. तिच्या अंगठीमध्ये सॉलिटेर आहे. या सॉलिटेर खड्याची किंमतच करोड रुपये आहे. ओव्हल शेपच्या या अंगठीचे वेगळे महत्त्व आहे. अशी अंगठी प्रेम, रोमान्स आणि कमिटमेंटचे प्रतीक आहे.

सिद्धार्थ आणि कियाराच्या लग्नातील लूकचे कौतुक होत आहे. लग्नानंतर काल त्यांनी दिल्लीत रिसेप्शन दिले. आज दोघेही मुंबईत येतील. मुंबईतील सिद्धार्थ मल्होत्राच्या घरी कियारा राहणार आहे. १२ फेब्रुवारीला बॉलिवूड सेलिब्रिटींसाठी या जोडप्याने पार्टी ठेवली आहे.