Diljit Dosanjh: परदेशात प्रसिद्ध भारतीय गायकाच्या कॉन्सर्टमध्ये खलिस्तानींचा गोंधळ; नारेबाजी करत दिली धमकी

Diljit Dosanjh Concert: मेलबर्नमध्ये प्रसिद्ध पंजाबी गायक-अभिनेता दिलजीत दोसांझ यांच्या एका कॉन्सर्टमध्ये खलिस्तानी लोकांनी गोंधळ घातला. शुक्रवारीच्या संगीत कार्यक्रमादरम्यान, काही खलिस्तानी समर्थक AAMI पार्कच्या बाहेर आले आणि त्यांनी शीख फॉर जस्टिस (SFJ) नावाच्या संघटनेचे झेंडे फडकवण्यास सुरुवात केली. त्यांनी घोषणाबाजी केली आणि दिलजीत दोसांझचा कार्यक्रम बंद करण्याची धमकी दिली. या घटनेचा एक व्हिडिओ सोशल मीडियावर व्हायरल होत आहे, या व्हिडिओमध्ये लाऊडस्पीकरवरून शिवीगाळ केली जात आहे आणि संगीत कार्यक्रमात सहभागी असलेल्या शीख चाहत्यांना देशद्रोही म्हटले जात आहे.

या घटनेमुळे मेलबर्नमधील शीख समुदाय संतप्त झाला आहे. संगीत कार्यक्रमाबाहेर फ्लॅश मॉब डान्स कार्यक्रमाचे नियोजन करण्यात आले होते, परंतु वाढत्या तणावामुळे तो रद्द करावा लागला. अनेकजण पोलिसांवरही नाराज होते, त्यांनी म्हटले होते की अशा संघटनांवर आधीच कठोर कारवाई करायला हवी होती. खरं तर, एसएफजेने यापूर्वीच जाहीर केले होते की १ नोव्हेंबर रोजी धार्मिक बंदद्वारे दिलजीत दोसांझचा कार्यक्रम बंद करणार आहेत. ते म्हणतात की ही तारीख शीख नरसंहार स्मारक महिन्याशी संबंधित आहे.

एसएफजेचे आरोप काय आहेत?

एसएफजेने दिलजीत दोसांझवर अभिनेता अमिताभ बच्चन यांचा सन्मान करून शीख पीडितांना फसवल्याचा आरोप केला. कॉन्सर्ट शांतेत झालं आणि दिलजीत दोसांझने प्रेक्षकांना मंत्रमुग्ध केली. परंतु या घटनेने वातावरण खराब केले. स्टेडियमबाहेरील या वादामुळे पुन्हा एकदा ऑस्ट्रेलियातील खलिस्तानी कारवायांबद्दल प्रश्न उपस्थित झाले आहेत.

दिलजीत दोसांझ कोणत्या प्रकल्पांमध्ये सहभागी आहे?

पंजाबी चित्रपटांव्यतिरिक्त, दिलजीत दोसांझ अनेक बॉलिवूड चित्रपटांमध्येही काम करत आहे. पंजाबी चित्रपटांबद्दल बोलायचे झाले तर, त्याचा 'सरदार जी ३' हा चित्रपट प्रदर्शित झाला होता, यामध्ये त्याने जस्सी सिंगची भूमिका केली होती. बॉलिवूडमध्ये, दिलजीत दोसांझकडे सध्या दोन हिंदी चित्रपट आहेत. 'बॉर्डर २' आणि 'पंजाब ९५' या चित्रपटातही दिसणार आहे.