Ranveer Singh : 'धुरंधर' स्टारला इंडस्ट्रीत NO Entry! रणवीर सिंहने सोडलं मौन, म्हणाला...

'धुरंधर'नंतर रणवीर सिंह एका वेगळ्या कारणामुळे चर्चेत आला आहे. रणवीर सिंहने 'डॉन ३' मधून अचानक माघार घेतल्याने मोठा वाद निर्माण झाला आहे. फरहान अख्तरने फेडरेशन ऑफ वेस्टर्न इंडिया सिने एम्प्लॉईज (FWICE) कडे अभिनेत्याच्या चित्रपटातून अचानक माघार घेतल्याबद्दल तक्रार केली, त्यानंतर रणवीर सिंहवर बंदी घालण्यात आली आहे.

सोमवारी FWICE ने एका पत्रकार परिषदेत जाहीर केली आणि त्यात रणवीर सिंहला चित्रपटसृष्टीतून बॅन करण्याचे आदेश जारी केले आहेत. त्यांनी चित्रपटसृष्टीलाही या अभिनेत्यासोबत काम न करण्याची विनंती केली. आता अभिनेत्याने या प्रकरणी पहिल्यांदाच मौन सोडले आहे. रणवीर सिंह नेमकं काय म्हणाला, जाणून घेऊयात.

बंदीवर रणवीर सिंहची प्रतिक्रिया

रणवीर सिंहच्या प्रवक्त्याने FWICE च्या बंदीवर एक निवेदन जारी केले आहे. प्रवक्ते म्हणाले "रणवीर सिंहला चित्रपटसृष्टी आणि 'डॉन' फ्रँचायझीशी संबंधित प्रत्येकाबद्दल प्रचंड आदर आहे. 'डॉन ३' शी संबंधित अलीकडील घटनांमध्ये त्याने जाणीवपूर्वक शांत राहण्याचे ठरवले आहे, कारण त्याचा विश्वास आहे की व्यावसायिक चर्चा आणि वैयक्तिक संबंध हे सन्मान, सामंजस्य आणि परस्पर आदरानेच उत्तम प्रकारे हाताळले जातात..."

रणवीर सिंहच्या टीमने पुढे सांगितले की, "जरी वेळोवेळी अनेक अफवा आणि अटकळी समोर आल्या असल्या तरी, रणवीरला त्यावर सार्वजनिकरित्या प्रतिक्रिया देणे किंवा या अटकळींमध्ये गुंतणे कधीही आवश्यक वाटले नाही. त्याचे संपूर्ण लक्ष त्याच्या कामावर आणि भविष्यातील जबाबदाऱ्यांवर केंद्रित आहे..."

'डॉन ३' बद्दल तो काय म्हणाला?

पुढे असेही म्हटले आहे, "या प्रकल्पाशी संबंधित असलेल्या प्रत्येकासाठी त्याच्या मनात आजही खूप आदर आणि सदिच्छा आहे आणि या फ्रँचायझीला सतत यश मिळो, अशी त्याची मनापासून इच्छा आहे. अशा प्रसंगी संयम आणि प्रतिष्ठा राखणे हा त्याचा नेहमीच एक जाणीवपूर्वक घेतलेला निर्णय राहिला आहे आणि भविष्यातही तो हेच धोरण कायम ठेवेल."

'Don 3' मधील वाद नक्की काय?

शाहरुख खानने फरहानच्या 'Don' (२००६) आणि 'Don 2' (२०११) या चित्रपटांमध्ये मुख्य भूमिका साकारल्यानंतर, २०२३ मध्ये अशी घोषणा करण्यात आली की, 'Don 3' मध्ये रणवीर मुख्य भूमिकेत असेल. डिसेंबर २०२५ मध्ये रणवीर, फरहान आणि 'एक्सेल एंटरटेनमेंट'चे रितेश सिधवानी यांच्यात वाद झाल्याच्या बातम्या समोर आल्या. आदित्य धरसोबतच्या 'धुरंधर' या चित्रपटाच्या यशानंतर, रणवीरने अचानक हा चित्रपट (Don 3) सोडून दिल्याचे त्यावेळी म्हटले गेले होते. फरहान रणवीरच्या जागी हृतिक रोशनला घेणार असल्याची चर्चाही रंगली होती; मात्र 'War' चित्रपटातील या अभिनेत्याने (हृतिकने) या चर्चांचे खंडन केले.आता, फरहानने 'प्रोड्युसर्स गिल्ड ऑफ इंडिया'कडे धाव घेतली.