Dhurandhar 2 : 'धुरंधर २'ची बॉक्स ऑफिसवर त्सुनामी; रणवीर सिंहने रचला इतिहास; सहाव्या दिवशी किती गल्ला जमवला?

आदित्य धरच्या थरारक स्पाय थ्रिलर चित्रपट 'धुरंधर: द रिव्हेंज' ची बॉक्स ऑफिसवर यशस्वी घोडदौड सुरू आहे. चित्रपटाने सहा दिवसांत बंपर कमाई केली आहे. 'धुरंधर 2' चित्रपट 19 मार्च 2026 ला प्रेक्षकांच्या भेटीला आला आहे. रणवीर सिंहने चित्रपटात आपल्या अभिनयाने चारचाँद लावले आहेत. 'धुरंधर 2' हा एक जबरदस्त ॲक्शन चित्रपट आहे. रहमान डकैतच्या मृत्यूनंतर पुढे काय घडते, याचा उलगडा 'धुरंधर 2'मध्ये होतो.

'धुरंधर 2' बॉक्स ऑफिस कलेक्शन दिवस 6

Sacnilk च्या माहितीनुसार, सहा दिवसांनंतर 'धुरंधर: द रिव्हेंज' या चित्रपटाची देशांतर्गत कमाई ५७५.६७ कोटी रुपये इतकी झाली आहे. तर भारतातील एकूण (Gross) ६८७.४३ कोटी रुपये कमावले आहेत. या चित्रपटाने परदेशातील एकूण कलेक्शन २३१.५७ कोटी रुपयांचा टप्पा यापूर्वीच ओलांडला असून, यामुळे त्याचे जगभरातील एकूण कमाई ९१९ कोटी रुपयांपर्यंत पोहोचले आहे. मंगळवारी 'धुरंधर: द रिव्हेंज' या चित्रपटाने ५६.५५ कोटी रुपयांची कमाई केली. परिणामी, भारतातील या चित्रपटाचे एकूण कलेक्शन ५७५.६७ कोटी रुपयांवर पोहोचले आहे. यात हिंदीत चित्रपटाने ५२ कोटी रुपये कमावले.

• दिवस पहिला - १०२ कोटी रुपये

• दिवस दुसरा - ८०.७२ कोटी रुपये

• दिवस तिसरा - ११३ कोटी रुपये

• दिवस चौथा - ११४.८५ कोटी रुपये

• दिवस पाचवा - ६५ ​​कोटी रुपये

• दिवस सहावा - ५६.५५ कोटी रुपये

• एकूण - ५७५.६७ कोटी रुपये

'धुरंधर २' ने ६ व्या दिवशी 'या' चित्रपटांना टाकले मागे

'धुरंधर २' ने जगभरात 919 कोटींची कमाई केली आहे. 'धुरंधर २'ने जगभरातील सर्वाधिक कमाई करणाऱ्या टॉप ५ चित्रपटांच्या यादीत प्रवेश केला आहे. मीडिया रिपोर्टनुसार, 'धुरंधर २'ने 'बाहुबली २' हिंदी - ५११ कोटी, 'गदर २' - ५२५ कोटी, 'पठाण'- ५४३ कोटी, 'ॲनिमल' - ५५६ कोटी रुपये या चित्रपटांना मागे टाकले आहे.

'धुरंधर 2' चित्रपटाची कथा भारताचा गुप्तहेर असलेल्या आणि पूर्वी 'जसकीरत सिंह रंगी' म्हणून ओळखल्या जाणाऱ्या हमझा अली माझारीच्या प्रवासाची आहे. 'धुरंधर' 5 डिसेंबर 2025 रिलीज झाला होता. 'धुरंधर' मध्ये रणवीर सिंगसोबत सारा अर्जुन, सारा अर्जुन, आर. माधवन, अर्जुन रामपाल, संजय दत्त, अक्षय खन्ना हे कलाकार झळकले. या चित्रपटात अक्षय खन्नाच्या अभिनयाचे सर्वत्र कौतुक झाले.