Dharmendra's Post For Alia Bhatt : धर्मेंद्र यांची आलिया भटसाठी खास पोस्ट; जुन्या आठवणींना उजाळा

Dharmendra shared a behind-the-scenes glimpse : बॉलिवूडचे दिग्गज अभिनेते धर्मेंद्र यांनी वयाच्या ८७ वर्षी देखील अभिनयात सक्रिय आहेत. रॉकी ओर रानी की काहानी या चित्रपटातून धर्मेंद्र आपल्या भेटीला येणार आहेत. ९०च्या दशकातील लोकप्रिय अभिनेत्यांपैकी एक धर्मेंद्र होते. धर्मंद्र हे नेहमीच चर्चेत असतात. धर्मेंद्र यांच्या एका पोस्टने सर्वांच लक्ष वेधून घेतले आहे.

नुकतच नातू करण देओलच्या लग्नामुळे धर्मेंद्र चर्चेत होते. नातवाच्या लग्नात केलेल्या डान्सवर नेटकऱ्यांनी लाईक्सचा वर्षाव केला होता. धर्मेंद्रना खूप दिवसांनी नाचताना पाहून चाहत्यांना खूप आनंद झाला. धर्मेंद्र अनेक वर्षांनी 'रॉकी और राणी की कहानी' या चित्रपटात दिसणार आहेत. धर्मेंद्रना खूप दिवसांनी चित्रपटात पाहण्यासाठी प्रेक्षक उत्सुक आहेत.

धर्मेद्र हे नेहमीच त्यांच्या वैयक्तिक आयुष्यामुळे चर्चेत असतात. धर्मेंद्र हे सोशल मीडियावर नेहमी काही न काही पोस्ट करत असतात. नुकताच धर्मेंद्रनी सोशल मीडियावर आलिया भटसोबतचा फोटो पोस्ट केला आहे. हा फोटो 'रॉकी और राणी की कहानी' चित्रपटाच्या सेटवरचा असल्याचे दिसत आहे.

या फोटोत आलिया धर्मेंद्र यांच्या बाजूला बसली आहे. या फोटोला कॅप्शन देत धर्मेंद्र यांनी म्हटल आहे की, 'मित्रांनो, प्रेमळ आलिया मला माझ्या रोमँटिक भूतकाळाची झलक दाखवत आहे. रॉकी और रानी की प्रेम कहानी'.

या फोटोत आलिया धर्मेंद्रना त्यांच्या भूतकाळातील काही फोटो दाखवत असल्याचे सांगितल आहे. अशी खास पोस्ट शेअर करत त्यांनी आलियाचं कौतुक केलं आहे. या पोस्टवर चाहत्यांनी लाईक्स आणि कमेंट्सचा वर्षाव केला आहे.

करण जोहर दिग्दर्शित 'रॉकी और रानी की कहानी' चित्रपटाचा टीझर नुकताच लॉंच झाला असून प्रेक्षकांनी टीझरला खूप प्रेम दिले आहे. 'रॉकी और रानी की कहानी' चित्रपट २८ जुलैला प्रदर्शित होणार आहे. चित्रपटात रणवीर सिंग, आलिया भट्ट, जया बच्चन, धर्मेंद्र आणि शबाना आझमी अशी स्टारकास्ट दिसणार आहे.