Dharmendra-Ahana Deol : अहाना देओलला धर्मेंद्र यांच्या मालमत्तेतून काय काय हवे? स्वतः केला खुलासा

धर्मेंद्र (Dharmendra) यांच्या निधनानंतर देओल कुटुंबावर दुःखाचा डोंगर कोसळला आहे. वयाच्या 89 वर्षी त्यांनी अखेरचा श्वास घेतला. 24 नोव्हेंबर 2025ला बॉलिवूडच्या 'ही मॅन'चे निधन झाले. त्यांच्या निधनानंतर सध्या सोशल मीडियावर देओल कुटुंबाच्या प्रॉपर्टीची चर्चा पाहायला मिळत आहे. अशात आता धर्मेंद्र आणि हेमा मालिनी यांची धाकटी मुलगी अहाना देओल हिचा एक जुनी मुलाखत व्हायरल होत आहे. ज्यात तिने धर्मेंद्र यांच्याकडून काय हवे, असल्याचे सांगितले आहे.

ज्येष्ठ बॉलिवूड अभिनेते धर्मेंद्र यांची दोन लग्न झाली आहेत. पहिले प्रकाश कौर आणि दुसरे अभिनेत्री हेमा मालिनी यांच्यासोबत. हेमा मालिनी आणि धर्मेंद्र यांना दोन मुली आहेत एक ईशा देओल आणि दुसरी अहाना देओल. धर्मेंद्र यांना आपली सर्व मुलं खूप आवडती होती. त्याचे सर्वांवर खूप प्रेम होते. अहाना देओल लाइमलाइट पासून दूर आहे.

'हर झिंदगी बझ'ला दिलेल्या मुलाखतीत अहाना देओलला विचारण्यात आले की, "तुला वडिलांची कोणती गोष्ट वारसा म्हणून हवी आहे." यावर अहाना खास उत्तर दिले ती म्हणाली, "मला पप्पांची फियाट कार हवी आहे. ती पप्पांची पहिली कार होती. सुंदर विंटेज फियाट मला वारसा म्हणून हवी आहे. त्या कारच्या पप्पांशी जोडलेल्या असंख्य आठवणी आहेत. मला ती माझी बनवायची आहे."

पुढे अहाना देओल लहानपणीची आठवण सांगताना म्हणाली की, "मी सहा वर्षांचे होते. पप्पा त्यांच्या शेतात लोणावळ्याला जात होते. तेव्हा मी म्हणाले मला देखील जायचे आहे. त्यांनी पटकन माझी बॅग भरली आणि मला सोबत घेऊन गेले. कारमध्ये त्यांनी मला मांडीवर बसवले. ही माझी त्यांच्यासोबतची सर्वात आवडती आठवण आहे."