Kiran Gaikwad: रेश्मा शिंदेनंतर 'हा' अभिनेता चढणार बोहल्यावर, स्वतःच दिली प्रेमाची कबुली, पाहा PHOTOS

सध्या मनोरंजन सृष्टीत लग्नाचे वारे वाहू लागले आहेत. अनेक कलाकार लग्नबंधनात अडकत आहेत. नुकतेच रंग माझा वेगळा फेम अभिनेत्री रेश्मा शिंदेचा लग्नसोहळा पार पडला आहे. अशात आता एका मराठी अभिनेत्याने आपल्या प्रेमाची सोशल मीडियावर जाहीर कबुली दिली आहे. आपले प्रेम चाहत्यांना सांगितले आहे.

'देवमाणूस' (Devmanus) म्हणून रसिक प्रेक्षकांच्या मनात घर करणारा अभिनेता किरण गायकवाड (Kiran Gaikwad) यांनी आपल्या प्रेमाची कबुली दिली आहे. आता किरणही लवकरच लग्नबंधनात अडकणार आहे. किरणने आपल्या होणाऱ्या बायकोसाठी सोशल मीडियावर खास पोस्ट केली आहे. त्याने आपल्या होणाऱ्या बायकोसोबत छान फोटो शेअर करून चाहत्यांना आनंदाची बातमी दिली आहे . तर आपले प्रेम व्यक्त केले आहे.

किरणने फोटो शेअर करताना लिहिलं की, "तू अणि तूच...तू काही संगीतकार नाही आणि गायक पण नाहीस, पण तरीही मी संपूर्ण आयुष्य तुझ्या चालीवर चालायच ठरवलं आहे...मंत्रिमंडळल्या बैठका होत राहतील ,मंत्री पद वाटत राहतील ,त्यांचं ठरतय तोपर्यंत आपलं ठरलेलं सगळ्यांना सांगून टाकतो…ही आहे माझी होणारी 'होम मिनिस्टर'!" असे हटके कॅप्शन त्याने पोस्टला दिलं आहे. किरणच्या होणाऱ्या बायकोचे नाव वैष्णवी ( Vaishnavi Kalyankar) आहे. ही देखील अभिनेत्री आहे. तिने किरणसोबत 'देवमाणूस २' या मालिकेत काम केले आहे.

सध्या सर्वत्र किरणच्या या पोस्टवर चाहते आणि कलाकारांकडून शुभेच्छा आणि प्रेमाचा वर्षाव होत आहे. चाहते आता यांच्या लग्नासाठी उत्सुक दिसत आहेत. अभिनेता किरण गायकवाड 'लागिरं झालं जी' या मालिकेतून प्रेक्षकांच्या घरात पोहचला. या मालिकेत त्यांनी खलनायकाची भूमिका साकारली होती. तर 'देवमाणूस' या मालिकेने त्याला विशेष लोकप्रियता मिळवून दिली आणि प्रेक्षकांच्या मनात त्याने घर केले.