शीख समुदायाविरोधात वादग्रस्त वक्तव्य प्रकरण; कंगना रणौत जबाब नोंदवण्यासाठी हजर

सुशांत सावंत

मुंबई: बॉलीवूड अभिनेत्री कंगना राणौतला आज मुंबईतील खार पोलीस स्टेशनमध्ये जबाब नोंदवणार आहे. काही वैयक्तिक कामामुळे ती काल पोलिस ठाण्यात हजर राहू शकली नाही. कंगना रणौत तिचा जबाब नोंदवण्यासाठी सकाळी 11 च्या सुमारास खार पोलीस ठाण्यात पोहोचली आहे. शीख समुदायाविरोधात वादग्रस्त वक्तव्य केल्याप्रकरणी खार पोलिस ठाण्यात तिच्यावर गुन्हा दाखल करण्यात आला होता. (kangana ranaut news)

दरम्यान, बॉलीवूड अभिनेत्री कंगना रणौत बहुतेक वेळा तिच्या वक्तव्यांमुळे जास्तच चर्चेत असते. आता परत एकदा ती आपल्या वादग्रस्त वक्तव्यामुळे निर्माण झालेल्या वादामुळे चर्चेत आली आहे. कंगना रणौतविरुद्ध (Kangana Ranaut) मुंबईतील (Mumbai) ४७ वर्षीय व्यापारी अमरजित सिंग संधू, दिल्ली शीख गुरुद्वारा प्रबंधक समिती आणि शिरोमणी अकाली दलाच्या नेत्यांसह एफआयआर दाखल केला होता.

हे देखील पहा-

तक्रारकर्त्यांनी कंगनावर जाणूनबुजून आणि हेतुपुरस्सर आंदोलक शेतकर्‍यांना (farmers) खलिस्तानी दहशतवादी (Terrorist) म्हणून दाखवल्याचा आणि शीख समुदायाच्या भावना दुखावल्याचा आरोप करण्यात आला होता. या प्रकरणी एफआयआर दाखल करण्यात आला होता. याबाबत मुंबई पोलिसांनी (police) तिला चौकशीसाठी बोलावले आहे. मात्र, सध्या वेळ नसल्याचे सांगत तिने चौकशीसाठी हजर होण्यास वेळ मागितला होता.