Subi Suresh Passed Away: सगळ्यांना हसवणारी आज रडवून गेली, प्रसिद्ध कॉमेडीयनचं वयाच्या ४१ व्या वर्षी निधन

Subi Suresh News: प्रसिद्ध कॉमेडियन आणि टीव्ही होस्ट सुबी सुरेशचे वयाच्या ४१ व्या वर्षी निधन झाले आहे. विनोदी कलाकार आणि टीव्ही होस्ट यकृाताशी संबंधित (Liver) आजाराने त्रस्त होती. बुधवारी सकाळी तिने कोची येथील एका खासगी रुग्णालयात अखेरचा श्वास घेतला.

सुबी सुरेशने आपल्या करियरची सुरुवात मिमिक्री आर्टिस्ट म्हणून केली होती. मात्र 'सिनेमाला' (Cinemala) या एव्हरग्रीन कॉमेडी शोमध्ये एन्ट्री करताच ती अधिकच प्रकाशझोतात आली. शोमधील तिचा मस्तीखोर अंदाज पाहून चाहत्यांच्या संख्येत अधिकच दिवसेंदिवस वाढ होत गेली.

अनेक शो मधून लोकप्रियता मिळवणाऱ्या सुबीला मल्याळम चित्रपटांमध्येही काही मोजक्याच भूमिका मिळाल्या होत्या. त्या भूमिका तिच्या अधिकच जबरदस्त ठरल्या. ती 'हॅपी हसबंड्स', 'कंकणसिंहासनम' आणि बरेच काही मध्ये कॉमिक भूमिका करताना दिसली होती.

'सिनेमाला' या कार्यक्रमानंतर टेलिव्हिजनमध्ये 'कुट्टी पट्टलम' या लहान मुलांच्या शोने लक्ष वेधून घेतले. मुलांसोबतचे तिचे मजेदार संवाद सर्वांच्या नेहमीच पसंदीचे होते. सुबी सुरेशच्या अचानक एक्झिटने संपूर्ण मनोरंजन क्षेत्रावर दुःखाचा डोंगर कोसळला आहे.