Chhaava Movie : लाडकींसाठी 'छावा' फ्री; लाडकींसाठी छावा की मतांचा मेवा? पाहा स्पेशल रिपोर्ट

भरत मोहळकर, साम टीव्ही, प्रतिनिधी

Chhaava Free Show : छत्रपती संभाजी महाराजांच्या जीवनावर आधारित असलेला छावा चित्रपट बॉक्स ऑफिसवर धुमाकूळ घालतोय. छावा चित्रपटाने कमाईचा नवा रेकॉर्ड बनवलाय. त्यापार्श्वभूमीवर छत्रपती संभाजी महाराजांचा जाज्वल्य इतिहास लाडक्या बहीणींना पाहाता यावा, यासाठी अहिल्यानगरचे आमदार संग्राम जगतापांनी आठवडाभर मोफत शोचं आयोजन केलंय. एवढंच नाही तर छावा चित्रपट टॅक्स फ्री करण्याची मागणीही आमदार जगतापांनी केलीय.

आतापर्यंत छत्रपती संभाजी महाराजांचा इतिहास ऐकला आहे.. वाचला आहे... मात्र छावा चित्रपटामुळे हा वाचलेला इतिहास प्रत्यक्ष पाहता येणार असल्याचं समाधान लाडक्या बहिणींनी व्यक्त केलंय.

लाडकी बहीण योजनेमुळे महायुतीला विधानसभा निवडणुकीत मोठं यश मिळालं. त्यातच आता अहिल्यानगरमध्ये आमदार संग्राम जगतापांनी लाडक्या बहीणींना आठवडाभर मोफत छावा चित्रपटाचं स्क्रीनींग आयोजित केलंय. त्यामुळे आता लाडक्या बहिणींचा चित्रपटाला मिळणारा प्रतिसाद स्थानिक स्वराज्य संस्थांच्या निवडणुकांमध्ये महायुतीला तारणार का? याकडे लक्ष लागलंय.